السلام عليكم ورحمة الله وبركاته

حبايبي جماهير الزعيم كثر الكلام عن العنقري والمفرج وفلان وعلان انه الله يصبرنا عليهم وهم لاعبين مفروضين على التشكيله وهلمجرا من هالافكار اللي لابد ان نحترمها ونتقبلها لكن كل شي بالعقل والاقناع فلاعب كخالد العنقري شخصيا لست مقتنع بمستواه , لكن ارى ان كابتن المنتخب سامي الجابر له نظره فنيه تختلف عن نظرتي وله خبره اكيد هي اكبر من خبرتنا كمشجعين فهل معقوله سامي يعمل ضد مصلحة الهلال ؟ نقول يمكن احد فارضه على سامي ماشي , طيب من هالقوي والقوي الله اللي حيفرض المفرج والعنقري على رئيس النادي عبدالرحمن بن مساعد والامير فيصل بن محمد من قبل ؟ مافي الا الملك وولي العهد اختاروا واحد منهم يكون فاضي ويفرض هم علينا ؟؟؟؟؟؟؟؟ قليل من العقل مع احترامي لجميع الاراء المخالفه لكن هناك نظره فنيه من المدرب وسامي بحكم انهم اخبر من اي لاعب او مشجع في هذا المنتدى تحتم بقاء هولاء اللعيبه حتى لو كان كثير من الجمهور مختلف عليهم ولنا في خالد عزيز عبره عندما اعيد اكتشافه فيمركز المحور والله وقتها كنا نقول عنه انه ما يعرف يركض الان من اهم لاعبي المنتخب , واذا كان السبب اداري لبقائهم اعتقد لن يفرض احد على عبدالرحمن بن مساعد بقائهم , لذلك هاللعيبه متمرون سواء ضيعنا وقتنا بنقدهم من اليوم الى السنه القادمه ام لالن نغير شي وحيكونوا متواجدين في الفريق , وبالتالي تجريحنا لهم حيهزهم وينعكس سلبا على اداء الفريق , او نختار ان نتفرغ لمساندة الزعيم والوقوف مع ادارته ولعيبته جميعا دون تفريق , وان شاء الله البطوله الاسيويه فالكم .

ولا ننسى يا اخوان (قل خيرا او اصمت).