السلام عليكم ورحمة الله وبركاته
في البداية أنا من الاعضاء الي يحبون المنتدى والمواضيع الي تطرح
ومن المتابعين لأهم المواضيع >> طيب وبعدين وش تبي
قبل فترة ليست بالبعيدة وبالتحديد لما طرح موضوع عودة الدوخي للهلال
ثار الأعضاء وتم كتابة أكثر من ثلاثة ملايين موضوع عن رفضهم للدوخي
بحجة أنه خان الهلال وانتقل للفريق المنافس وهو نادي الاتحاد
المواضيع والردود كلها تقول مانبي الدوخي مانبيه رغم ان الهلال في وقتها
كان في أشد الحاجة إلى ظهير أيمن ..
بتقولون الرئيس ما قصر صحيح انه ما قصر جاب اكثر من لاعب
الياس - نامي - العنقري - القحطاني
بس لو تلاحظون كل لاعب جته فترة وضاع يعني بالعربي فورة ببسي
كنا في السابق بحاجة إلى ظهير يسار بعد خالد الرشيد
والحمد لله انحلت المشكلة بأكثر من حل وهذا بوجود
الخثران والزوري
بس مشكلة الظهير الأيمن لا زالت موجودة يعني لا تقولون ان ولي راح يحلها
اللاعب شهادتي فيه مجروحة بس ما اعتقد انه راح يقدر يغطي هالخانتين
الي على أساسه أحضر اللاعب ..
قبل كم يوم قريت أكثر من موضوع يطالب بعودة الدوخي
ومواضيع فيها مقاطع ذكريات للاعب مع الهلال
وتصاميم وبنرات وغيره وغيره ....
ما أدري وش السالفة ..
الحين قبل فترة تسبونه ويوم تورطتوا وعرفتوا انه أفضل ظهير يمين جا للهلال
قلتوا نبيه .
لو اني مكان الدوخي صراحة ما جيت ,, عزة النفس فوق كل شي
على العموم الموضوع مطروح للنقاش وانا اسف اذا طولت عليكم بس المشكلة
ان ملف الدوخي
محتاج دراسه يمكن تكون في رجعته خيره للهلال ويمكن لا