نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أخـــــــــاف مـــن (الطــــياره) و(المـــــصـــــعـــد)... وش الحل تكفوووون!!!

DR.KHALID · #8 21/08/2008, 01:05 AM

هلا اخوي ..

وسع صدرك

..

هذي ي طويل العمر اسمها فوبيا الاماكن المغلقة ( PHOBIA INDOOR) ..

وهذي م تعتبر مرض نفسي .. هذي مشكلة نفسية ..

طبعا انا كان عندي رهاب اجتماعي

( SOCIAL PHOBIA ) لمدة 3 سنوات .. طبعا الرهاب الاجتماعي اخطر بمراحل من رهاب الاماكن المغلقة .. وتغلبت على هالشيء بنفسي .. بدون اي طبيب او شيء ..

طبعا م اقول الاستعانة بطبيب خطاء .. بالعكس شيء كويس .. بس صدقني لما تحاول بنفسك انك تتغلب على هالشيء ان شاء الله تقدر..

شف ي عزيزي .. بعد التوكل على الله الحل هو:

1- انك تجبر نفسك انك تحط نفسك في الشيء الي انت تكرهه او تخاف منه ..
يعني لما تشوف مصعد .. حاول واغصب نفسك انك تنزل عن طريق المصعد .. وكرر هالشيء اكثر من مرة .

2- ضع في قرارة نفسك انه هذا شيء طبيعي .. يعني ليش الناس كلهم م يخافون وانا بس الي اخاف ..

3- لما تحاول تركب المصعد وحسيت نفسك انه شيء صعب .. حاول تشغل نفسك بأي شيء .. سواء مكالمة جوال .. او يكون معاك احد تسولف معاه .. او تكون بيدك مجلة او جريدة تقراها .. المهم حاول تنسى انك في المصعد .

4- قل لن يصيبنا الا م كتب الله لنا ..

بالتوفيق اخوي .. واتمنى زي م انا تغلبت على الرهاب الاجتماعي .. تتغلب على رهاب الاماكن المغلقة .. وتراه مو شيء صعب

تحياتي
اخوك خالد