بدون مقدمات ترانا ملينا من جمهور الانتقاد والتجريح

عيب عيب عيب عيب والله العظيم عيب

الى متى وعقولنا صغيره الى هالدرجة

اي خطأ من اي لاعب كل واحد ينطلق للمنتدى ويقعد يسب ويشتم ويطالب بتنسيق فلان وشراء فلان

يعني انا ابسألكم الرئيس اللي كان جالس فوق بالمدرجات مايعرف مصلحة فريقه ولا مايهمه الوضع

طيب سؤال ثاني هل الهلال هو النادي الوحيد بالمملكة اللي عنده لاعبين فاشلين على قولتكم

شوفوا النصر كيف سوا فيهم مدخلي

شوفوا الاتحاد كيف سوا فيهم الدوخي في مباريات حاسمة مثل مباراة الاتحاد مع الهلال قبل سنتين ومباراة الاتحاد في دوري ابطال العرب عندما طرد وتسبب في خروج ناديه من البطولة

شوفوا الاتفاق كيف قاعد يعاني من حراسة المرمى

شوفوا الاهلي وكيف كانت الفضايح التاريخية في الموسم الماضي بسبب ولسد عبد ربه

بالعربي كل الاندية عندها لاعبين مستواهم اقل من مستوى الآخرين

انا معكم ان العنقري اخطأ والمفرج سبق وان اخطأ

لاكن لاتنسوا ان لاعبين كبار بالهلال اخطوا واخرجوا الهلال من بطولات كبيرة ولا نسيتوا ياسر واضاعته لركلة الجزاء امام الوحدة الاماراتي

ياناس افهموا باقي اسبوعين على بداية الدوري وحنا الى الحين جالسين نسب ونستهزء بالاعبين

باقي اسبوعين على بداية الدوري وحنا جالسين نتكلم عن الآسيوية اللي ماراح تبدأ الا بعد 6شهور على الاقل

وش العقلية الي قاعدين نفكر فيها

بطولة راح تبدأ بعد ايام ماعطيناها ربع حقها من الاهتمام لكن بطولة ماراح تبدأ الا بعد شهور قاعدين نبكي ونصيح
راح نخسرها راح نخسرها

انا معكم ان الآسيوية مهمة بل هي اهم بطولة بالنسبة لنا في هذي السنة

لكن لاتنسون ان الدوري بعد مهم وهو اللي راح يوصلنا للآسيوية مابعد القادمة

0000000000000000000000000000000000000000000000000000000000000000000000000000000000000

بصراحة الوضع ماعاد ينطاق بالمنتدى

نستهزء بالآخرين وصرنا مثلهم عقولنا وتفكيرنا انحصر في

جيبوا فلان -- اطردوا فلان-- الاسيوية ضاعت--موبايلي والاتصالات-- الآي آر تي

ِِِِِ//////////////////////////////////////////////////////////////////////////////////////////////////////////////////////////////////

آسف عالاطالة

وتقبلوا تحياتي