هذي قصيدة .. وجدتها صدفة اليوم في أحد مجلاتي القديمة للشاعر القطري - على ما اظن - جابر المري :


مما أشوف اليوم دمعي يهلي

دمعٍ انحدر ونحدر فوق الأوجان

شفت العجايب في زمانٍ يذلي

يذل فرســـانٍ الى ثار دخـــان

موقف غـــريبٍ يالربع حاصلٍ لي

مع شايـــبٍ مقطـــوط من بين جدران

جيته وهو في غــرفةٍ له يصــلي

وجلست عنده حـــاير الفكر شتان

بقـيــت واقف وانتظــر في محلي

حتى يخــلص من صلاته على شان

اخذ معه وأعطــي عساي استدلي

على سبايب ما كسف ذاك الإنسان

شفته حزين من الزمن مستمــلي

ودمعة على الخدين تذرفه الأعيان

قلي تراني للعــــرب مستخــلي

خلـــوني اعيـــالي بلا ود وإحسان

هذا الذي من عزوتي حاصل لي

ومن القهر بيثور بالجوف بـــركان

وبعد ثـــلاث أيــام شفته يشـــلــي

وأصبح مع الموتـان في وسط الأكفان



حدث ولا حرج عن سوء تنسيق القصيدة

بس اهم شي الفكرة .. ;) نعم نعم ..