السلام عليكم
مع احترامي الشديد لك و لشخص فهد المفرج
لكن المفرج آن له ان يعتزل
تقولي تفاريس يغلط .. المرشدي يغلط
اي نعم .. كلنا نغلط .. و مافي احد كامل
لكن
تفاريس يغلط مرة .... لكن بالمقابل يبدع عشرات المرات .. يشيل خانته و خانة غيره
المرشدي يغلط .. لكن تحس فيه تصاعد بمستواه .. تحس شخص يتعلم من اغلاطه
وش ابي بلاعب يبدع بمباراة و عشرة انواع النكبات ؟
ياخي فهد المفرج صحيح يجيك كم مرة بالموسم يخلص كور حلوة
بس بدالها بعشر مرات يتهاون عن كرات اسهل !!!
لدرجة انه اصبح نقطة ضعف بالفريق .. اللي جمبه و اللي قدامه يساندون خانته
و ليش ؟؟ ليش اشتت خطوطي؟؟ يكفي ان خانة الظهير الايمن شارع من غير اشارات !!!
عشانه جاب قول بالنصر صار رهيب ؟؟؟
ياخي الزوري جاب و الخثران جاب ..
مهوب اول مدافع و لا هو اخر مدافع يجيب !!!
و اي بطولات اللي حسمها الله يرضى لي عليك
من يوم اعرف المفرج و هو خانته سبيل
ياخي الكريم ..
اذا احنا ننتقد و نطالب باعتزال المفرج .. فهو أولا لمصلحة كيان الهلال
و لا حنا اعداء المفرج و لا حنا نعرفه من قريب و لا من بعيد
و انتقدناه زي ما انتقدنا غيره من نقاط ضعف الفريق
همنا الأوحد هو مصلحة الزعيم فقط لا غير !
شاكرة لك |