17/08/2008, 03:41 AM
|
| زعيــم مميــز | | تاريخ التسجيل: 21/04/2005 المكان: حتى ظلي له مهآبه
مشاركات: 9,440
| |
رآعي الكابريس وقف على جمب فإذا بي وقفت << أحآول أقلدكـ  نزلت خير وش السالفه ما أسرعت والاشارهـ اللي قبل شوي كنت أول واحد موقف فيها وماقطعتها ما ظللت ولاشي بس الجنوط سود نزلت خير و سم وآمر وطال عمركـ من هالكلآم اللي يخليكـ تتجاوز المشكله الرخصة والاستمارهـ عطيته الاستمارهـ والاثبات قال والرخصه قلت تبيها ضروري أجيبها لكم بعدين فحرر لي ورقة صفراء شبيهة باللتي يحررونها لكـ وبنفس الخط الركيكـ تقريبا طيب مشها لنا هالمرهـ اجابني / ما أقدر فيه فرقة سريه هي اللي توجهنا أجبته / أيه فتشوا بوكي قبل شوي مالقوا رخصه فقالوا لكم وقفوهـ عطوهـ ورقة صفراء عشان يدخل السحب ما تدري يا الطيب متى يسحبون ؟ ظهرت لي إبتسامة صفراء كما الورقه الممدودهـ إلي مع أوراقي وسريت مستانس لدخول السحب سالفة أخرى كانت في الظهر وأنا طالع لنهائي الهلال والاتحاد يوم يصكوننا على خشومنا 2-1 ماشي وأداري القطاوهـ وسرحان في المبارات لدرجة إن الاشارهـ فتحت وسكرت وأنا ما دريت جاء واحد استقعد لي على الاعلام اللي معلقها بس طبعا هالمرهـ ما قال مخالفه قال الحقني قسم العليا مع إننا مانتبع له والحمدلله قدرت أتجاوز المشكله وأحضر الهزيمه بالملعب  أستخلاصي : أعتقد أن سبب مزاجية رجل المرور بالذات هو الضغط الحاصل عليه اما من الظابط المسؤول عنه أو الزحمه أو الدفتر اللي لازم تخلصه ولاتأخذ جزاء أو حتى احترام الناس له تجد إن رجل المرور ما له إحترام مثل الشرطي راس مالها قسيمه وأمشي فلذلك لو كان رايق ما يعطيكـ شي إلا بيوقفكـ ويسولف معكـ شكرآ لكـ أبا راشد على الزيارهـ الرائعه  |
