بسم الله الرحمن الرحيم
اسعدتم صباحا
يغيب المرء ويتغرب ولكن مهما طالت الغربة والغياب فلابد من يوم يعود فيه الى اهله وبيته وموطنه
فأهلي انتم وبيتي هذه الرابطة وموطني هذه الشبكة
تركت الشبكة وتركت اليوزر لغيري وسجلت من جديد لانه يجب ان اعود
^^^^^^^^^^^^^^^^^^^^^^^^^^^^^^^^^^^^
ما عرفت نفسي وانا اقول هالكلام 
يالله حيهم جميع 
من ابو حمد << بديت به لانه صقيقي القديم مرورا بفواز وتركي ونهاية بـ كل شخص زار الرابطة . غياب بسبب الدراسة 
وبعض الاتزامات وسيعقبه غياب اضطراري على امل عودة اكبر ولكن الان دعوة للوناسة معكم ولو شوي . الحين بتكلم عن الفريق .
الوديات نبهتنا لشي مهم جدا وهو ان دفاعنا قراشيع ودكتنا كل اللي فيه عجز او وراعين
وبصراحة بكذا لا نقدر ننافس لا على الدوري ولا على كأس الاتحاد .
وياخوفي ينتهي الموسم بفضيحة شبيهه بفضيحة تشيلسي .
بعضكم يهونها ويقول ودية .
لا لا هذا حالنا بالفعل .
المصيبة لو قدر الله واستمرت اصابة كاكا المزمنة وما رجع رونالدينيو لسابق عهده والله لناكلها خابور .
نبدأ الحين حبه حبه .
الحراسة
ابدا ابدا لا تليق بفريق كالميلان ، ديدا منتهي خالص من منتصف الموسم الماضي وبصراحة عيب كبير على الادارة تجديد العقد وزيادة الراتب . كالاتش لا تعليق ابدع في مباراتين وصدق نفسه ، ابياتي ممتاز جدا ولكن كحارس ثالث فقط بصراحة انا تابعته مع اتلتيكو كان لا بأس به ولكن لاتلتيكو احنا هنا نتكلم عن نادي هو الاكبر في اوروبا خلال الـ 20 عام الماضية والارقام تتكلم ، يجب ان نبحث عن حارس على مستوى عالي وفيه حراس والله ما حيكلفونا كثير لوبونت الروماني وبوروك البولندي و حرام والله حرام راح علينا جوميز البرازيلي اللي الحين مع توتنهام .
الدفاع
قراشيع امس تخلصنا من سيميتش ووقع لموناكو ، مالديني الا ليت الشباب يعود يوما ، مالديني حرام عليه ما اعتزل بعد نهائي الابطال 2007 حرام والله كنت اتمنى ينهيها هناك ، نيستا ملك الاصابات من تالي ما انكر انه بطل لكن بصراحة والله ما عاد نيستا المخيف نيستا من عقب اصابته في كأس العالم وهو مو بزي نيستا زمان بتقولون باقي بطل بقول ايه بطل لكن مو نيستا اللي كان يشوفه المهاجم ويروح يدور له درب ثاني . كلادزة ( لا تعليق ) ، بونيرا طايش هو ممتاز كبديل فقط . الوسط
حالنا والله مو كويس في الوسط لعدة اسباب .
امبرو بالله تسمونه لاعب ، لا والاخ مسوي فيها بطل ويطلع هجمات ويترك وراه مساحات للاسف .
جاتوسو حاله مو عاجبني ما ادري هل لانه ضامن المركز ، اتمن من ابو زغود يلطعه احتياط ولو 3 جولات والله ليضبط وليلعب بشكل رائع ويرجع يذكرنا بجاتوسو 2006 .
فلاميني ما اقدر احكم عليه اما بروكي فلا تعليق .
كاكا اصابته تخوف وكل شوي تتكرر وما كان له اي داعي يسوي العملية اما ابو الرون يا خوفي ما يتأقلم . بيرلو ينتظر لاعبين ممتازين بجنبه وازهله .
مشكلتنا من العام الماضي وهي تقدم المحاور والمصيبة ان نص تمريرات هالمحاور خطأ
اتمنى ان يثبت المحورين سواء جاتوسو او فلاميني او امبروزيني ويترك حرية التحرك لبيرلو مع تحركات كاكا وروني او سيدورف على الاطراف بتبادل المراز ووقتها بتشوفون وسط خالع .
الهجوم
حالنا في هالمركز لا يسر صديق ولا عدو فالمستلج ما يمسك معه على اللجه الا في نهاية الموسم والمحشش اصيب وطويهر القلب في بكين والله العالم لا يجي مرهق او مصاب و بالوسكي صغير وضعيف ولقا نفسه لحاله .
انا اشوف بالوسكي مبدع بس لما يكون معه واحد يساعده قدام .
لابد من شراء مهاجم وكنت اتمنى صراحة نجيب حتى لو كايت ليفربول او هونتيلار اللي 25 مليون تجيبه بالراحة .
جالياني ما قصر هالسيزون وان كان قعيطي شوي ولكن بصراحة شغله ما ينفع لفريق اسمه ميلان
ممكن نفرح ولكن لسبب واحد انه هالميركاتو افضل بكثير من العام الماضي واللي قبله لكنه لا يليق بفريق اسمه Ac milan .
هذا اللي في راسي الحين والباقي بعدين << وهو انت بقيت شي 
قبل ما اطلع اللي رد بعدي وش يحس فيه لي عودة ورده
