نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - السياحة الداخلية .... مميزات السياحة في الرياض !!

الغريب · #1 23/06/2003, 10:55 AM

السلام عليكم ورحمة الله وبركاتـــــــــــــــه ,,,,

هلا بالشباب وهلا بالشابات وعلى طاري الشابات الله لايهينهن يتغطن وهن داخلات الموضوع وماهيب شينة بعد يفتحن الموضوع في نافذة أخرى مانبي اختلاط !!

أبتكلم بموضوعي عن الصيف وأين تقضي عطلة الصيف ؟!!

طبعا فيه ناس معطيهم الله خير وأول ماتسأله عن إجازة الصيف وين بيقضيها تلقاه احتار بين جنيف ولندن وستوك ( هولم ) و ( هلم ) جرا !!!

وفيه ناس مثل البارق إذا بغى يخربها ويسرف احتار بين الشرقية والبدايع !!!

الصنف الأول ماعلينا منه والله يخليه لأهله

بس الصنف الثاني هذا اللي بصراحه ترحم حاله لأنه مسوي فيها سياحة وطنية بس غصب عنه !!

يعني هالمنتدى ماشاء الله مليان من مختلف مناطق المملكة فياليت كل واحد يعطينا معلومات أكثر عن السياحة في المكان اللي ساكن فيه وعارفه من الأماكن السياحية المتوفرة والأسعار والجو في فترة الصيف !!

أنا بما إني من سكان الرياض أبذكر بعض مميزات السياحة بالرياض :

1- غير مكلفة وكان الواحد يبي يسكن بفندق فلايحسب إلا حساب الفندق والأكل لأن أفضل مكان للسياحة بالرياض هو ( مقابل ) المكيف !!

يعني لاتحتاج مشاوير ولا مصارف !!

2- إذا شريت عشاء فمن سابع المستحيلات إنه يبرد لأن جو الرياض ( مايكرويف ) طبيعي !!

3- لو حبيت تتمشى بالرياض في الصيف ماراح تلقى زحمة لأن ثلاثة أرباع سكانها ( هاجين ) من الحر !!

4- الأماكن السياحية متوفرة ... عندك مثلا ملاهي الحكير بالربوة واللي على الدايري وعندك منتزهات حاطين لك بحيرة صغيرة مكتوب عليها (( تصبروا لين يطلع لكم بحر )) !!!

بالنسبة للمناطق السياحية اللي وخر عنها جدة والدمام بحر كله زبايل وأنتم بكرامة ورطوبة تخلي الواحد مخلل !!

أما أبها والطائف فخذ أزمة سكن وأسعار نار !!

إلا على طاري جدة والشرقية وبحرهم هاللي مزعجينا فيه وهو كله ( قراطيس ) و ( قواطي ) وكل ماقلنا شيء قالوا : (( عندنا بحر وأنتم ماعندكم )) !!

وش رايكم لو يتقاطون أهل الرياض على مية ريال ويسوون بحر على أحدث طراز وبالنسبة للرسم المبدئي للمشروع هذا هو :

ـــــــــــــــــــــــــــــــــ

جتني رسالة جوال تقول اختر رقم من 1 حتى 8 لتعرف أين تقضي إجازة الصيف ؟

كل واحد يقول وش الرقم اللي يبي والله يستر علينا وعليكم !!

ـــــــــــــــــــــــــــــ

خــــــــــــــــــــــاتمة :

أبي بحررررررررررررررررررررررررررررررر !!:sad: