نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - حوار سامي في جريدة الرياضية مفبرك...وهنا الدليل.."بالصور"...!

هلالي سكبه · #1 02/08/2008, 06:39 PM

سلااااام علاااااكم

كلنا نعرف ان العرف الصحفي يحتم على أي صحفي يجري مقابلة انه ينشر صورة له وهو يحاور او على الأقل يتظاهر بمحاورة الضيف في الصورة...

مانقول للتأكيد ولكي يطمئن القاريء لمصداقية اللقاء...ولكن على الأقل لكي يضمها الصحفي الى أرشيفه ويترزز فيها عند معارفه

وهذا الشي ماشفناه في حوار سامي اللي طالعتنا فيه جريدة الرياضية هذا الصباح..."على هالجمله أحس اني من حقين برنامج جرايد

"...واللي اجرى الحوار الصحفي اللامع محمد النجيري اللي اتوقع انه ماصور مع سامي والدعيع لواحد من هذه الاسباب:

1- لان مركزه الاجتماعي مايسمح له بالتصوير مع لاعبي كرة قدم او بالأصح أساطير كرة قدم كسامي والدعيع..!

2- لانه راح للمطار لحاله عشان يجري الحوار مع سامي والدعيع...والمصور الدبيسي اللي أذونا فيه الرياضية كان معزوم على زواج ومو فاضي يروح...لذلك الاخ النجيري مالقى أحد يصوره مع سامي والدعيع واكتفى بتصويرهم بنفسه..!

3-او لانه مثله مثل طيب الذكر اللي راح ورز فنيلة ناديه قدام فيقو وقال وقعنا معه عقد

...وهذا صور سامي والدعيع وقال أجريت معهم حوار...وهذا الأقرب للصواب ان الحوار من أصله ملفق...!

خلصنا من الصورة الأولى....أما الصورة الثانية فهي للحوار إياه...

ركزوا على هالسؤال وتخيلوا شكل سامي وهو يجاوب عليه

هاذي عاد ماتنرقع...وش يدريك انها كذبه...قال من كبرها...!

الحين سامي اللبق المتحدث البارع راح يقول...المدرب كوزمين وعادل البطي والمشرف سامي الجابر...!!!

معليش سامي ممكن يذكر الاستاذ عادل البطي بدون مايذكر اي لقب قبله ولاحتى منصبه بالنادي كمدير للكرة ولكن انه مايقول الاستاذ عادل ولا مدير الكرة عادل ويقول عن نفسه المشرف سامي فهاذي قويه!!

يعني لهدرجه سامي عنده عقده من الالقاب -ماشاء الله عليه ماخلى لقب يستاهل الا خذاه ماعدا أفضل لاعب في آسيا عام 84 قبل تقر الجائزة فهذا انجاز يعجر عنه الكل الا ماجد

- وسامي ايضاً لما يتكلم عن نفسه وأتوقع الكل يتفق معه بهالطريقه فهو يسمي نفسه بكلمة "أنا" ومايحتاج يقول اسمه ومنصبه وتاريخ ميلاده

بس انا اتوقع ان الصحفي النجيري كان جالس مع واحد من زملائه ويحاولون يلفقون الحوار على أساس الصورة اللي التقطوها -كما يلتقطها أي معجب- ولفقوا الحوار بس الدلخ اللي كان يكتب الحوار سمعهم وهم يجاوبون على أسئلتهم وسمعهم يقولون: المدرب كوزمين وعادل البطي (ومنهو المشرف؟؟ ايه صح) المشرف سامي الجابر...وكتب الجملة مع حذف مابين الاقواس لان هاذي مايبي لها كلام...بس رجع كتب المشرف سامي مع ان الحوار مع المشرف سامي نفسه..!!

يعني سامي اللبق مايعرف يرد على سؤال مثل هذا ويقول: المدرب كوزمين وعادل البطي وانا,, باتفاقنا انا والبطي وكوزمين,,او بالتشاور بيني وبين البطي وكوزمين...!

يعني الزبده الحوار ملفق ولو عدينا للصحفي سالفة الصورة مانقدر نعدي له سالفة "المشرف سامي الجابر"...!

انا بصراحه لي تحفظ على جريدة الرياضية خصوصاً وعلى اي حوار عموماً ماينشر فيه صورة للصحفي اللي أجرى الحوار مع الضيف لانه في نظري فقد ثلاثة أرباع مصداقيته عندي

وكنت ممكن أمشيها لو ماطحت على هالغلطة السخيفه اللي فضحتهم..!

أخيراً, احمد الله ان خبري بجريدة الرياضية من عام 1417 ق.م.

وزاد كرهي لها بعد خبرهم عن تفاريس اللي خلى الامير محمد بن فيصل يطالب بمقاطعتهم وبرضه من يوم خلوا جستنيه وأشكاله لهم أعمده يوميه بالجريده عرفت انهم بدوا يخورونها وسحبت عليهم...!

دعوة لمقاطعة كل صحف الأخبار الملفقة والاثارة الغبية وأخذ الاخبار من مصدرها الرسمي..

موبايلي الهلال
أو
شبكة الزعيم
أو
المركز الإعلامي بالنادي

وسلامتكم