| ياكثر ماتصير معي هالمواقف ..ربما لسبب اني من عشاق النظافه وطبعا ماعندنا شغاله ولا في امل لان انا البنت بين الذكور .
ولد خالتي كان عند اخوي في المجلس فجاه حسيت بهدوء فاتصلت على اخوي وسالته وينك : رد انا في البقاله تبين شي .قلت لا ...طبعا اعتقدت ان ولد خالتي معه وفجاه ادخل للمجلس وهو منسدح يتفرج على التلفزيون ومالاحظت وجوده وكنت واقفه قدام التلفزيون لاني بطفيه بس شدني اللي يتابعون وفجاه يدخل اخوي المجلس وعلى طول سالته معك احد ..رد علي وعيونه طايره في جبهته عبدالرحمن وراك
قسم بالله اني تفشلت ومانسيت الموقف وكل ماسمعت اسمه يضيق صدري
ومره اخوي منوم في المستشفى وكان صديقه مرافق عنده ..طبعا اخوي بعد العمليه نزل تحت يغير جو ..والمرافق كان نايم بداله ومغطي وجهه وعاد جيت ودمعاتي تصبب مني واحب راسه وجبهته ماتشوف شر يالغالي بعدها صحى مرتاع ووخر الغطاء عن وجهه وقال انا مو ولدكم وطلع من الغرفه مسرع وانا حسيت اني في موقف تمنيت مت لحظتها ولا الارض تنشق وتبلعني
المواقف كثيره تصير لي وهذا لان الفشايل سكنت فيني ولااستطيع ذكرها حتى لااطيل عليكم
تمنياتي لك بالتوفيق
اختك:عطر الصمت | 