يا اخي والله العظيم كلامك كلام الشخص الذي يرى بعينه من بعيد ولا يدرك الوضع الداخلي لهذه الامور ,
على سبيل المثال يوم تقول احضار وسط ايمن محلي سريع وفنان و و و ... الخ طيب حبيبي ممكن تتكرم وتذكر لي اسم ثلاثه لاعبين محليين بهذه المواصفات والا اقلك مو ثلاثه اذكر لي اسم لاعب واحد محلي بهالمواصفات ومعروض على قائمة الانتقال لدى فريقه علشان نقدر نشتريه .. للأسف ماعندك اجابه واذا طلعت لي اسم لاعب واحد محلي بهالمواصفات ومعروض على قائمة الانتقال اعتبر هاللاعب جاي على حسابي انا مهوب على حساب الادارة وانا عند كلامي .

المهم نرجع لنقطه ثانيه مهمه انت تقول جلب السهلاوي وش جلب السهلاوي يخوي ؟؟
وش قالوا لك كل سلعه هو تقدر تشتريها ناديه معيي يخليه يروح ولا مكان وهو ملتزم بعقد مع ناديه وناديه مارضي يعيره والا يبيع عقده وش نسوي؟؟ نروح نفجر بالقادسية والا نحط لهم ميتين مليون علشان يوافقون وعلشان انت ترضى وبالنهايه تحسبها وتنصدم بالمبلغ الكبير واللي السهلاوي لا يستحقه طبعاً اقصد الميتين مليون او حتى الخمسي مليون كثيره لو بيبيعون عقده بثلاثه او اربعه مليون ولا دفعتها الادارة صدقني انا اول الناقدين لها لكن تجي تتكلم وتطلب وكأنك بمطعم اطلب تجد مهوب كل ماتبيه بتحصل عليه والانديه تعيي ون نسوي بهم ؟؟

تخيل يجينا نادي يقول ابي ياسر القحطاني على بالك بيوافق الهلال او هل تتخيل ان الهلال الى الآن ماجاء له عروض بخصوص ياسر الا اكيد فيه عروض بس ياخي ياسر من اعمدة الفريق ولاحد يبي يفرط فيه مستحيل خلاص طيب الاندية مثلنا عندها نجوم ماتبي تفرط فيهم ,


اتمنى انك تكون عقلاني واذا سمعت واحد بالجلسه يقول ياخي لو يسوون ويسوون ويسوون تأكد حبيبي ان الكلام سهل وكثير اللي نقابلهم من هالنوع ونجادلهم بالعقل ويسكتون لكن انت سمعت هالكلام وحملته مسرعاً لتنثره على صفحات منتدى الزعيم وتهدد بأننا ماراح نذوق الآسيويه ,,,


الله يصلحك قول آمين