نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - :: المسابقة الثالثة // مطبخ المجلس العـــام ::

hilalemooot · #165 30/07/2008, 03:57 AM

.
.

السلام عليكم

اول شي اعتذر من الشباب اللي ينتظرون المنسف

.. بسبب بعض الشباب اللي ما ياكلونة إظطريت أغيّر الخطة

فـ قررنا نعمل حبيبة الشعب ومكبرة الكروش

* الـ مظغــوط :

* المقادير :

- دجاج حسب الكمية او الاشخاص
- رز حسب الكمية كذلك ويفضل باب الهند

- ملح و بهارات حسب الموجود

- تشكيلة خضراوات حسب التفضيل

- فلفل حار ماااارة

- بصل مقطع حلقات و قطع صغيرة حسب التفضيل
- قدر كاتم اقوى شي

- كمية مويه حسب طريقة الطبخ .. و شوية زيت .

* طريقة التحضير :

* تحط القدر على النار .. ثم يضاف اليه الزيت ثم البصل ويحمس قليلاً

لمده خمس دقايق تقريباً .. ثم يُضاف الدجاج مع التحريك لـ دقيقتين .. بعدين تضيف المويه حسب كمية الرز اللي بتحطها وتسكر القدر وتخليه يطبخ لمدة تتراوح بين 30 و 40 دقيقة .. اهم شي تسكر الكاتم كويس

* بعد كذا تفتح القدر .. تشيك على الدجاج

اذا مو تمام تخليه يطبخ .. اما اذا الوضع اوكي تبدا بالخطوة اللي بعدها .. اللي هي تضيف الخضراوات (حنا استعملنا البطاطس فقط

) .. بعدين يُضاف الرز وكمية من الفلفل الحراق وتسكر القدر الكاتم لمده تتراوح بين ثلث إلى نص ساعة تقريباً ( بهالفترة كل شوي يتم التشييك علشان الرز ما يكون ناشف او ينقصه مويه

)

* بعد كذا تشيل القدر الكاتم .. تحطه على جنب خمس دقايق .. ثم تجفي المظغوط وتسمي بالله وتديها

ويفضل يكون عندك زبادي و شطة

:

بالهنا و العافية عليكم

حركات الزبرقة ماهيب عندي .. اهم شي الطعم و المذاق العالي

.. وترا هالشغل بطلعة للمزرعة

وبدينا نطبخ عقب الساعة 1

يعني لازم تراعون هالنقطة

ترى اللي يصوتلي باعطيه يوزري ساعتين يفرفر فيه

يعطيكم العافية على المجهود .. و بالتوفيق للجميع

فـ مان الله ,.,.,

.
.