مكرونه بالبشميل الطبخه الوحيد اللي اتقنتها في الغربه المقادير يا طويلين العمر والسلامه 1 .مكرونه اسباقتي 2. بطاطس 3. وبصل 4. لحم مفروم 5. طماط 6.جزر 7.واي خضروات تحب تحطها ( شغل عزابيه مغتربين) 8. انواع البهرات اللي تحبون نروح لسر المهنه اللي انا مسميها كذا لان فيه ناس من اخوياي يبون يعرفون وش السر بس ما علمتهم بس لان منتدى المجلس العام غالي علينا راح نكشفها لكم هنا بس حقوق الطبع محفوظه ===>لا يكثر ههههه نجيب يا طوال العمر مايونيز او تشيز على حسب الرغبه (اخلص يا الشيف هاني) ونجيب ايظا حليب وبيض و جبن شرايح تشيدر المهم نخلطها جميع في الخلاط الا جبن الشرايح خليه على جنب مو وقته الان جيبو صينيه وادهنوها بالبيض في جميع انحى الصينيه بعدين حطو يا طوال العمر المكرونه اللي بلا شك ستكون جاهزه بعد طبخها مع الخضروات الانفة الذكر والبهارات ولحم المفروم وضعوها في الصينيه المدهونه بالبيض الانفة الذكر ==>فرحان بذي الكلمه طبعا بتكون المكرونه فوق البيض المدهون بالصينيه . الان نضع فوق المكرونه شرايح الجبن اللي هو تشيدر بحيث ان سطح المكرونه لا يضهر بمعنى اخر غط المكرونه بالكامل بالجبن الشرايح . الان اسكب الخلطه اللي قمت بخلطها فوق الجبن الشرايح بحيث انها لا تصل الى المكرونه واخيرا وليس أخرا ضع الصينيه المليئه بالخيرات في الفرن لمدة ربع ساعه او اقل تراني ماقد حسبت كم تاخذ من الوقت لاني من الجوع اجي اشيك كل شوي اخرجها من الفرن بحيث انك مستعد لاكلها وبالهنا والشفا اليكم مجموعة من صور لهذه الوجبه قد قمت ابعدادها هذي الصوره كانت في عيد الفطر وكانت حفله للطلبه المسلمين بمناسبة العيد حيث طلب مني عمل وجبه للتعريف بالاكل السعودي او العربي الى جانب نشاطات اخرى قمنا بها حيث كان من ضمن الحضور مسؤول الولايه ومدير شرطة الولايه . التحميل من هنا
اخر تعديل كان بواسطة » Sami is legend في يوم » 29/07/2008 عند الساعة » 11:22 AM
السبب: وضع صوره
| 