|| كـل مـا تـود مـعـرفـتـه حـول الـ PS3 ( أنـواعـه + مـمـيزات كـل نـوع ) || السلام عليكم و رحمة الله و بركاته ::
::
::
::
::
كيف حالكم يا شباب
إن شاء الله بخير
بصراحة هالأيام كثرت مواضيع التي تسأل عن أنواع الـ PS3 ... و أكيد واحد جديد في عالم الـ PS3 راح يكون متشتت البال ... يسمع كلام من كل واحد ...
علشان كذا قلت أسوي موضوع و يكون مرجع لأي واحد ناوي يشتري PS3 ... و إن شاء الله يكون واضح أولا محتويات الجهاز ( الملحقات ) : سلك الكهرباء سلك الألوان AV يد تحكم نوع SIXSAX ( بدون هزاز )
كيبل للمودم سلك USB لشحن يد التحكم ثانيا : أنواع الـ PS3 ملاحظة : انا راح أتكلم عن الأجهزة اللي نظامها أوروبي ... لأنه هو اللي مخصص لنا للشرق الأوسط و أوروبا ... و اللي يكون عليه ضمان .
أنواع البلاي ستيشن اللي نزلت لحد الأى هي : 20 جيجا - 40 جيجا - 60 جيجا
الـ 20 جيجا إنقطع من زماااان ... و نادر جدا جدا جدا تلقى واحد شاريه ...
المنتشر هو الـ 60 جيجا و الـ 40 جيجا
الـ 60 جيجا وقفت سوني صناعته من فترة طويلة ... يمكن 6 شهور ... و أصبح الآن الموجود هو فقط الـ 40 جيجا .... لكن فيه محلات تبيع الـ 60 جيجا
و علشان كذا أبشرح الفوق بين الـ 60 جيجا و الـ 40 جيجا ... و بالنهاية أبقولكم الأفضل . الـ 60 جيجا :
حجم الهارديسك : 60 جيجا
عدد فتحات الـ USB : أربع فتحات
مدخل للذاكرة : يوجد الـ 40 جيجا :
حجم الهارديسك : 40 جيجا
عدد فتحات الـ USB : فتحتين
مدخل للذاكرة : لا يوجد
الآن عرفنا الفروق الخارجية ... لكن ما عرفنا الفروق الداخلية .. !!
اللي متفوق في المواصفات الخارجية هو الـ 60 جيجا بكل تأكيد ... بحكم عدد فتحات الـ USB و وجود مدخل للذاكرة و حجم الهارديسك ...
لكن الفروق الداخلية الـ 40 يتفوق بكثيييير ... و ليش قلت بكثير ؟!
لأن الـ 40 جيجا طوروا فيه المعالج ... و هذا يمكن ما يهمنا ... لكن اللي يهمنا هو إن صوت الجهاز صار خفييييييف جدا جدا جدا بالـ 40 جيجا ... و أهم ميزة هي إن تبريد الجهاز صار قوي لدرجة محد يتصورها ... تبريد عالي جدا جدا بالـ 40 جيجا
اما عن مخارج الـ USB و مدخل الذاكرة فهذا بكل بساطة تقدر تشتري هذي القطعة :
و كذا تقدر تشبك بطاقة الذاكرة و بكل سهولة ... و سعرها ما يتجاوز الـ 15 ريال و متوفر بأشكال و ألوان و أحجام و كل شئ
اما عن فتحات الـ USB ( مع إني أشوف إن فتحتين تكفى و لا مرة إحتجت فتحة ثالثة ) تقدر تستفيد من قطعة تباع بكل المحلات بحيث إنك تشبكها بفتحة الـ USB و تطلعلك مداخل إضافية للـ USB ... يعني لو تبي تخليها 5 فتحات USB ما فيه أي مشاكل ...
وراح أضيف لاحقا صور للتوضيح بهذي النقطة .
اما عن حجم الهارديسك فبكل بساطة إذا شفت إن الـ 40 جيجا ما يكفيك خذ هارديسك حجمه لو تبي 250 جيجا و ركبه ... ما عندك أي مشاكل
و المشكلة في الـ 60 جيجا هو إنه في أحد الدفعات كانت فيها مشاكل عدم ظهور اللعبة إذا دخلت الشريط ... و هذي فيه ناس كثيرين عانوا منها ...
بشكل عام ... الـ40 GB هو الأفضل ... و انا مجرب كل النوعين ... أولا بحكم وجوده لحد الأن بالوكالة ... و يمكن تصير فيه مشاكل بالضمان بنسخة الـ 60 جيجا ...
و أنصح اللي ناوي يشتري الجهاز إنه ياخذ الـ 40 جيجا و يدعيلي
و أعتذر عن عدم ذكري لأسعاركل نوع ... و هذا راجع إنه لحد الآن الوكالة ما جابت الدفعة الجديدة ولا قدرت أحدد سعر للجهاز ... لأنه لكل محل سعر ...
أتمنى إن الموضوع نال على إعجابكم
و ياليت كان فيه أشياء ثانية أقدر أوضحها ... لكن ما لقيت
( منقول ) |