نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - :: المسابقة الثالثة // مطبخ المجلس العـــام ::

المنتدى الاستشاري · #1 26/07/2008, 01:10 AM

كـُن جليسنا فـي مجلسنا .

المسابقة الثالثة /

فكرة / هلالية سنعة & تغريد

ミ♡彡ミ♡彡ミ♡彡

في ليالي الصيف .. يكثر السهر والسمر .. ويكثر الجوع وتكثر الحوسه بالمطبخ
للبحث عن أكل .. والتفنن في طبخ الاكلات .. وتكثر اختراعات الطبخات ..
ミ♡彡ミ♡彡ミ♡彡
الشباب يطلّعون مهاراتهم الطبخيه في الكشتات او الاستراحات مع ربعهم ..
واهلهم ماقد ذاقوا من طبخ يدينهم .. وفيه شباب عزابيه حايسين مايعرف
الا شكشوكه واندومي او اهلهم مسافرين بها العطله ولا عندهم احد يطبخ لهم

وفيه بنات مايتقنون فنون الطهي او ماقد طبو المطبخ او يحبون يسوون الأكلات البسيطه ..

و ملينا هالتوصيل من المطاعم<< ايه هين وانتم خابرين تكثر التسممات والبكتيريا في الصيف
وحتى تعالو شوفوا وش لون يسوون الأكل يكرروون الزيت كم مره الين يحترق والمسكين
هاللي يطلب ..

ومن هالمنطلق جأت فكرة مسابقه في الطهي والطبخ للجميع سواء كانوا شباب او بنات
ومافيه احد معذووور لازم الكل يشارك بطبخه سواء كانت موالح او حلى .. او عصائر ..
او صياني .. او مقبلات .. او معجنات اللي ودكم منحب متشرطين ..
والمثل يقول ماعلى كريم تشّرط ..
ミ♡彡ミ♡彡ミ♡彡
تبون تسوون أكلات سعوديه او خليجيه او عربيه او هنديه او ايطاليه او مكسيكيه
او حتى ارجنتينيه مافيه مشكله.. لو اكــله بسيطــه بس اهم شئ تشاركووون ..
نبي الكل يستفيد من هالوصفات والأطباق وتذوقون أهلكم من طبخكم ..

شــــــــروط المســـــــــابقه :

1- كل عضو أو عضوه يشـارك بأكله وحده .
2- ان يقوم العضو او العضوه بكتابة اسم الطبق والمقادير والطريقه مع وضع صوره للمقادير والطريقه ان امكن .
3- شرط اساسي وضع صورة الطبق النهائي والمقادير مع كتابة العضو او العضوه اسمه على الصوره .
4- عدم النقل من منتديات اخرى او لطش صورة طبخه معموله في احد المنتديات
نبي الطبخه يسويها العضو نفسه يعني الشباب لايخلون امهاتهم واخواتهم يساعدونهم وتكون بأمانه ..
5- تبدأ المسابقه من حين وضع الموضوع وتستمر لمدة 4 أيام .
6- سيكون هناك موضوع اخر للتصويت لأفضل طبخه والتقييم سيكون على طريقة التقديم والجوده
7-.الرجاء عدم استخدام اي اساليب او رسائل من اجل التصويت .. التصويت سيكون للأفضل
8 - وضع المشاركات سيكون هنا في هذا الموضوع من خلال الردوود.
9- الغرض من المسابقه روح المنافسه واظهار مواهب الأعضاء والعضوات في الطهي والأستفاده من الجميـع.

تقبلوا أجمل التحايا وأطيبها من :
مشرفيي و إستشاريي
منتدى المجلس العام

ورده