نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أخـوي الـصـغـيـر تـزوج الـبـارحـة .. والـفـال لـي ( فيس حزين ) ...!!

الـمـشـاغـب · #87 22/07/2008, 04:58 PM

أعتذر في البداية عن التأخير في الرد على الردود وذلك لكسلي الشديد ..
قبل أكثر من أسبوع لعبت مع واحدة بالبلياردو .. ما أذكرها ولا أذكر والله وش كنا نقول بالضبط .. بس أذكر انها قالت انها غسلت يدها مني من يوم شافت موضوعي والردود .. قلت لها ليه؟ قالت انها قلة أدب ..!

الظاهر أنها تسمع بقلة الأدب

.. رديت عليها : وليه قلة أدب ما قلنا شي ؟ وأصلاً لو فيها قلة أدب ما كان طلعنا من بطون أمهاتنا بهالطريقة اللي جعلها الله وسيلة لحفظ الانسان من الانقراض ..!!

ما دريت إلا وهي طالعة ومقفلة صفحة اللعبة بوجهي ... ما قلت لكم انها تسمع بقلة الأدب؟؟!!

المهم .. أبشركم أن أخوي مرتاح مع الزواج كثير .. ربي وفقه بزوجة صالحة توني دريت أنها حافظة القرآن كامل ما شاء الله تبارك الله ..!

والله ما أنسى ثالث يوم أو رابع يوم من زواجه يوم يجي يصحيني لصلاة الفجر .. مزعني مزعة عبدالله الجمعان في رجولي ..!

يا ربي وش صاير .. قمت منب مصدق

.. الأخ أخبره حنيّن يصحيني شوي ويروح .. لكن هالمرة جاي يضارب وش السالفة؟؟!!

يوم مزعني بكل قوته وأنا أرفع صوتي عليه : خير خير؟؟ مريض أنت؟؟

رد علي وأطقع ما يشوف أنا : ايه قم صل بالمسجد العهد الذي بيننا وبينهم الصلاة فمن تركها فقد كفر ..!

هنا تأكدت أن أخوي ما بيكمل شهر العسل إلا في ربوع أفغانسان أو العراق .. واحتمال كبير يسيّر على الشيشان في الطريق ..!

الله يستر عليك يا أخوي لا تتحمس واجد ..!!

القيصر رهيب

أهلين وسهلين مستر علي الخامنئي

الله يبارك في عمرك يالغلا وعقبالنا وعقبالك .!
أبشرك أنا في طور الانتهاء من هذه المحنة .. وبلاش شماتة يالشين ..!

شاكر لك مرورك الرهيب يا حلو ..!

الــكــاتــب

هلا وغلا أخوي الكاتب ورده
شرفت ونورت الحتة ..
البلا وانا اخوك هو من الأصدقاء والأقارب اللي يشككون .. لو سلمنا منهم فحنا بخير ..!

اشكرك يا بعدهم على تشريف هذا الموضوع ...
تقبل تحياتي ورده

الحربي2004

أهلين بالعدواني .. مراحب ومساهل وأهالل ..!

باين من ردك أنك مريت بهالتجربة قبلي والحمد لله ..
يا ليت ترسل لي خلاصة تجربتك وكيف تخلصت من هالمحنة عشان أستفيد << يا ليت محد يجي يفهم كلمة معينة غلط ويبلشنا ..!

شكراً لك الحربي 2004 على هالطلة الجميلة .. لا عدمناك ورده
تقبل تحياتي ورده

أبو راس

هلا وغلا بأبوراسين كبار ورده

أخبار أم راس؟

والله انك صادق كل شي ولا الفحولة فيها دم للركب يسفح .. لكن وش أسوي؟ مشكلتي رخمة ما أحب المشاكل

على العموم أهم شي الأخلاق على قولتك .. وبيني وبينك ودي أتمتع بشبابي قبل ما أدمره بالزواج .. من بعد ما عرفت القاضي وأنا أصابتني فوبيا من الزواج

<<< اذا فوبيا مكانها غلط علمني عشان أترك الفلسفة الى مالا نهاية ..!

شكراً أبوراس على هالتواصل الرائع ورده
تحياتي لك مكرر << لكل راس تحية ورده

بلد الوليد

هلا بحبيبي وفؤادي هلا بك يا بعد قلبي وبعد كل بلوزاتي وبنطلوناتي

.. هلا بالمسافر هلا بالأوروبي ورده

كنت عارف أن فيه رد وقح بيجي من شخص مهذب مثلك

.. فديت كل وقاحاتك يا نظر عيني ..!

برغم ان ردك كله ذب وتقطيع فيني .. لكن أنا مسامحك من كل قلبي .. كم عندي فيصل أنا؟

سالفة الجوازات أبشرك قصيت الجواز

.. والتفاح والفراولة الرجاء التكتم على الأمر يا الفضيحة خخخـ

مع الأسف كلكم تشككون فيني .. لكن بيجي اليوم اللي بأغطي فيه على برجس

وأخليكم كلكم تتفاخرون عند أخوياكم تقولون : ترى المشاغب ذا كان خوينا الروح بالروح

..!! <<< الله لا يقوله .. فاهم الفحولة غلط

يا لبى قلبك يا فصولي ويا لبى ردودك يا حبي لها يالفاهر الصغير ..

متشكر أوي على هالمرور التوحفة .. لا عدمناك يا بعدهم كلهم ..! ورده

dal3_uae

هلا دلوعة الامارات ورده
أنا ضد رد بلد الوليد يوم قال أنك بصوب والدلع بصوب .. لأنك الدلع كله ..

حياك ربي .. وشكراً لهالمرور السريع..
تقبلي تحياتي ..!

دانكن دونات

هلا وغلا دانكن دونات ..

أشكرك يا حبيبي على اتصالك وتعزيتك .. دومك وافي فديتك ..!

الله يبارك فيك وعقبالك يالذيب ..
وبالنسبة للمسيار والله انها مهيب شينة .. بس ترى انا من البداية عندي شرط ..

الشرط يقول أني منب فاضي لها .. بس بأجيها من الساعة 2 بالليل إلى طلوع الشمس , واحتمال أجيها بأوقات متفرقة حسب الحاجة .. يعني ما أقدر أكون لها زوج كامل ..!! تهقى ألقى وحدة توافق؟

دانكن .. شكراً لك حبوبي على التواصل الجميل .. لا عدمتك ورده

الابنوي

جزاك الله خير أخوي على كلمتك الرائعة ..
نسأل الله أن يرزقنا جميعاً الزوجة الصالحة التي تعيننا على الخير .. اللهم آمين
تقبل تحياتي أخوي الابنوي ..!

ماجد مقبل

أهلين وسهلين ومرحبا مليون بالأديب الأريب بياع الزبيب ..

لعل أكثر ما يعزيني يا أديبنا هو بقاؤك عازباً رغم كل المغريات حولك ..

ما دمت عازباً أنت وصديقنا الهاوي فسأتنازل عن تكاليف علاجي لكما حتى نفرح بكما ..

شكراً لك يا أديبنا على مرورك السريع .. أحبك أيها المروح الأنيق

تحياتي لك

بنت فهد

هلا وغلا بنت فهد ورده
أنا يا وخيتي ما انحرجت ولا شي .. بالعكس فرحت لأخوي .. بس تضايقت من بعض الأشياء
مثل عدم اعلامي بموعد الزواج .. وردة الفعل التي تعكس بعض الأفكار ..!
بس صدقيني عادي عندي مرة الحين ماخذ الأمر ببساطة .. لأن كل الموضوع مزح ..
لكن فعلاً فكرة زواج الأخ الأصغر مرفوضة من قبل الكثير .. لذا جعلتها فكرة لموضوعي ..!

شكراً لك لهذا المرور والتواصل .. لا عدمناك ورده

F I N A L

أهلاً أهلاً بفاينل النصاب .. أجل أنا لعبت معك؟؟ تراك لعبت مع المشاغب المزوّر ..

الله يبارك فيك يا بعدي .. وجعلك ما تعرف طريق البكاء إلا خوف من الرحمن ..

المهم .. أنا انتظرك بالبلياردو عشان أدق خشمك بروم 108 يا قميل ..

تقبل تحياتي يالبكاي ورده

leo messi

ارحبوووا .. حيا الله أبو مسمس ورده

ما قصرت يا حليلك وصلت نفس الكلام اللي قلت لك .. شاطر شاطر

ترى ما وصلني منك اتصال بخصوص موضوعنا .. وتراي الحين بالرياض انتظر منك الموعد

عشان أتحرك الجنوب .. لا تتوقعني جاي عشان الموعد أنت ووجهك .. لا ..
أصلاً عندي غرض بالجنوب وعلى قولة أهل الحجاز : حج وبيع سُبح ..!!

ما زلت بالانتظار ورده

كان هنا

هلا وغلا بحبيب القلب عبود ..

أي بنت هزمتني بالبلياردو؟؟ لا يا حبيبي هذي اشاعة مغرضة ..

الصدق

.. ذاك اليوم كان أبوي موصيني أروح ألحق على الملحمة أجيب لحم حاشي .. وما أبي أطلع وأنا ألعب ..

صح انه الاذان الأول أذن والمحلات مقفلة لكن الزول يعرفه أبوي ومجهز الطلب عشان أمر وآخذه بأي وقت .. عشان كذا كنت ألعب بسرعة وابي البنت تفوز عشان ترتاح وتفكني ما تقول قيم ثاني وانا مستعجل ..

هذا السبب الحقيقي وربي .. والا الكل عارف الأسطورة كيف يتلاعب في الخصوم ولا يرحمهم أبداً ..

كان هنا .. أنت أشغلتني عن ردك بطاري البلياردو ..

اكثر ما أعجبني في ردك عرض البروجكتر خخخخخخخخخخـ

.. ترى من جد ما فهمت وش قصدك بالعرض ؟ الله يرجك خخخخخخخخخخــ

مشكور على هالمرور يا عبود البطل .. تحياتي لك ورده

LBa your heart

هلا وغلا الذهبي لبا يور هيرت ( لبى قلبك لغير الناطقين بالانقلش )

الله يبارك فيك .. وعقبالك يالداشر المتفيحل

وش أعزمك له؟ أعرفك أنا يالأخو؟ .. لا أمزح .. أقصد ما يشرفني أعزمك

<< لا وفي قمة الثقة هالفيس

الصدق أتشرف بكم لكن ما ودي أكلف عليكم

.. والا بالعكس ودي تجون أنتوا والعضوات بعد ..

الزبدة لا يكثر .. العوض بزواجي الأسطوري إن شاء الله ..!

من ناحية العلاج .. عندي لك رد عليه بس خله بالمسن بيني وبينك أزين عشان محد يغار

شكراً يا حبيبي على مرورك الحلو .. خلنا دوم نشوفك ورده