هلا والله وغلا بالجميع , وأسعد الله جميع أوقاتكم بالخير ,,,
بالبداية هذي قصيدة لنجم النجوم سامي الجابر , بقلم الشاعر حمد سليمان العليان وكلمات القصيدة تقول :

سر يا قلم وكتب معاني أكيدة 000 وكتب صفات الذئب سامي حقيقه

ونضم لبن جابر ومجده قصيده 000 قصيــدةٍ فيهــا المعــاني رقيقــه

وصفك عميد الفن وفعلك يشيده 000 سامي ذهب ولماس دايم بريقه

سامي سفير الفن سامي عميده 000 واللي زعل ميّ البحر له مذيقه

فنّـــة على كـل المـراكز يجيـده 000 تشهد له الساحة ويشهد عشيقه

يملك من فنون الملاعب جديده 000 وعنده على حسن التعامل وثيقه

يارمز صـاروخٍ فعــل مايريــده 000 صاب الهدف بالنار وشعل حريقه

جندل خصومٍ بالمنازل عنيــده 000 محدِ سلم وقّف مجاري طريقــه

يملك صفاتٍ بالمهاجم فريــده 000 صعبٍ تجي يمة وصعبٍ تعيــقه

رجله على الشباك خطرٍ تبيده 000 دايم على رجله خصومه لصيقــه

يامر وينهي والخصم صار سيده 000 لا واهني منهو لعب في فريقه

كم لاعبٍ يشكي ولازم يكيـــده 000 وكم حارسٍ ينشف إلى أقبلت ريقه

تشوف برقه قبل لاتسمع رعيده 000 ماهو مثل الي كثيــرٍ نعيقـــه

ذئبٍ على كل الفرايس يصيده 000 مخلالبه الشاطر مدامي عميقه

صقرٍ يجيب الشاردة والوريده 000 وصفه على حوران يسلم شقيقه

تعّرفك ياسامي بـــلادٍ بعيـــده 000 جمهورك اللي دايم لك صفيقــه

يعرف كلام الحق منهو يفيده 000 وإلا كـلام الــزور محــدٍ يطيقــه

,,,,,,,,,,,,,,, وســــــــــــــــــــــــــــــلامتكـــــــــــــــــــــــــــم ,,,,,,,,,,,,,,,,