فضائح المشرفين ايام منول : فضيحة الاعصار مع اللوبي الكاثولينسيفيكي
مساكم الله بالخير شلونكم ؟ حلوين طيبين بنحبكوووون وش اخبار الغنم هاليومين كم تسوى واخبار سوق الشعير يقولون ان الكيس زاد سعره 888 سهل اف قصدي 888 دولار المهم اليوم ياجماعة الربع مدري جماعة النص وثلاثطعش قرام اليوم معنا فضيحة جديدة لمشرف داج من ايام منول الى يوم السبت 30/3/1424 هذا سلمكم الله المشرف المهذار الملقب بالاعصار اللي يخاف حتى من الصرصار او السرسار على قول شيرين وسمير غانم سرسار حبنا . هذا الاعصار سلمكم الله كان ماعندكم احد ابوسليمان هاك الحين يوم المشرفين يدورون بلمبة مالقى احد يحطه مشرف وقام ابوسليمان راح للبطحاء اللي بسوق الفيصلية شار العشرين بمنفوحة جنب بندة التخصصي راح يدور ويسترفد ( يعني يشحذ) من الجماعة بالبطحاء يقول مشرف يامحسنين واثر العمال بالبطحاء ماصدقو على الله يجيهم احد يبي واحد يشتغل قامو ولزقوا بحلق ابو سليمان المشرف هذا اللي يقال له الاعصار ابو عصار . ابوعصار لانه كان دايم يشتكي من الغمص اول ماجانا بالمنتدى والضعيف يحسب الغمص اللي بعيونه مرض مادرى انه من كثر النوم والتبطح والسعسقة بالشوارع لاشغل ولامشغلة . المهم قام وراح للصيدلية واخذ مرهم عصار على باله يبي يداوي الغمص اللي بعيونه وسميناه الاعصار ابوعصار وغير كذا كان اذا راح لمحلات ماما نور للعصيرات ماينادي القرسون اللي يعصر العصير الا ياااااعصار جب عصير عساك لتقطيع المصير ياملعون الصير وصارت كل علومه اعصار وعصار وعصير وعلى الدرب وانتم ماشين حتى من حبه لاسم الاعصار ومشتاقاته راح سكن بشارع العصارات اللي بالعليا ورى محطة النملة بالنسيم .
المهم جانا الاعصار على اساس انه عامل اشرافي حسب المهنة اللي مسجلة بالجواز والاقامة وحطيناه مشرف ومن هالك اليوم والمنتدى مووووووولِّي منعصر عصر تقول انه هندي بمصر يتمشى على النيل عقب العصر وتخيلو عاد هندي وبمصر عقب العصرية وشلون شكله من الرطوبة والزيوت الله لايوريكم هذا الاعصار ومنتداه عقب ماتولى الاشراف هناك . المهم في يوم من الايام جا لمه واحد من الاعضاء يبي يسجل عنده عضو قال له الاعصار رح جب لي ملف علاقي وجب معك الشهادات العلمية اللي حصلت عليها واوراق اثبات اصل ومنشاء وشهادة خبرة لاتقل عن ثمانطعش سنة وشهرين وستة ايام وشهادة طبية تثبت انك خالي من الامراض المعدية مثل الحكة والمشق ومرض السارز الخطير اللي انتشر قبل عشرين سنة وغير هذا كله طلب منه انه يسجل ارقام تليفوناته وجواله وبيجره على الملف واذا كمل كل الطلبات ماعليه الا يجي الساعة ست الصبح مع شقة الشمس ويحلت (يحلت يعني يجدع ويجدع يعني يرمي)الملف من فوق جدار المنتدى واذا جاء عامل النظافة ينظف ولقى الملف نعرضه على مجلس ادارة المنتدى ونشوف اذا لقينا لك محل ووظيفة بالمنتدى نتصل عليك ومن هالك اليوم الى يومنا هذا والمسكين العضو اللي قدم اوراقه للاعصار ينتظر ويغني ماطولك ياليل يحتري الاعصار يدق عليه ويقول تعال قبلناك بوظيفة عضو بالمنتدى وعلى المتضرر اللجوء الى المقاهي وشرب المعسل لين يفرجها الله . والمعنى ببطن الشاعر وسلامتكم مع موعد جديد من فضايح حبحور مقطع البحور ومغري البنات الحور وحامي الضبان بالجحوووووور وافهم يا اعصار يامغرور لاتخليني اطلع باقي الفضايح لين ريحتك تفور واعقل لايجيك مني علمٍ مخبووووووور وسلامتكم .
وهذي صورة الاعصار اول مالقاه ابوسليمان بالبطحاء يوم يدور على مشرف هههههههه | 