نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - مشكلتك انك تبي فكري هواك .. جديد القحماني اهداء وحصري للمجلس العام

algohmani · #1 18/07/2008, 04:38 AM

السلام عليكم ورحمة الله وبركاته

كيف الحال اعضاء مجلسنا العام لي فتره والله ماجيكم

بس الجني حقي جني محنك قال وش هالقطعه ابو عبدالله
وعطاني قصيده

وانا رجال اذا كتبت قصيده
اجيبها على طول هنا عشان اخذ برأيكم ونقدكم واعجابكم ..

لاحد يطالع ويقول وش ذا النشبة ماصدقنا نفتك منه وش جابه

جيت انا .. وجايب هالقصيده اللي من يشوف فرحتي بها يقول
هذا كتب قصيدة بتكسر القصائد اللي بالساحه .. وهي من جنب القده
مكانها المدرجات مو ساحة الشعر ..

لا حد يطالع فيني قصيدتي وانا حر انتقدها بكيفي ..

المهم يا أخوان القصيده واضحه فكرتها .. وبإذن الله تكون
مفهومه واتمنى يارب انها تنال اعجابكم واستحسانكم وسامحونا
على القصور ..

مشكلتك انك تبي فكري هواك .. اتبعك لوك على الجمره مشيت
تحسبني مالي في الدنيا سواك .. وإن همي عني لو انك رضيت
حتى لو اغليك مايعني غلاك .. اني ابقى تحت امرك ماحييت
قلت سم ويابعد هالناس هاك .. وقلت سو قلت طيب واستحيت
انتبه توصل الى حد انتهاك .. لو وصلت بوسط قلبي وارتكيت
انا طيب لكن بزعلي هلاك .. لو زعلت انساك ماكني هويت
والله انك تحلم بشوفي معاك .. احمد الله جاك مني مابغيت
اقنع بهرج ٍ من التقدير جاك .. ولاتحسب الناس تمشي ماشتهيت

يالله سلام ..

توصون شيء ادري ( مجنون الزعيم 9 ) بيطالع فيني ويقول ..

ابو عبدالله وين رايح بهالسهوله هانت العشره عليك ..

مشعل حبيب قلبي هالقصيده اهداء لك .. انت وكل الحبايب هنا

ابو عبدالله يودع المجلس العام .. وعيناه تقطران بالدمع حزنا ..

مشعل يطالع بابو عبدالله ويقول .. الى اللقاء ياصديقي ..

قبل امشي لاحد يقول فيها كسر والله اني ادري .. بس خلوها كذا عاجبتني

تصبحون وتمسون على خير ..