قفش × قفش
السلام عليكم ورحمة الله وبركاته كيف حالكم وماهي اخباركم ؟؟ ان شاء الله طيبين واخبار النتيجه ان شاء ترفع الراس << احس اي مسكت خط ولا انا غلطااانه  الموضوع باين من عنوانه موضوعي كله قفش × قفش لأني والله الحمد من اصحااب الخيال الوااااسع واحياناً تطري علي قصص خياليه فهالموضوع يبرد حرتكم يعني كل واااحد يقفش على كيف كيفه شيئ يتصدق ولا لأ بس بشرط ان الرد يكون فيه صور يعني مثلاً : المثال 1 / انا مره كنت راكبه بالهلكوبتر حقي اتمشى فووق سطح بيتنا بالمريخ ولايمر علي ذااك المكوك الفضاائي يجنن الوانه فوشي باأصفر وفيه ورود  مثل هالمزيون اللي فوق بس تخيلوه فوشي بااصفر وفيه ورود ويحلق بالفضاء  والله وتمسك معي ابيه قالي ابوي يابنت الحلال وش زينك بالهلكوبتر قلت لاااااا ابي مكوك وابي هاذا المكوك ويجي ابوي يشر لهم يعني وقفوا ويجون وياقفون وينزلون عندنا بالمريخ تخليوا من صااارو ديفيد بيكهام ومحمد عبده ويجي ابوي يساومهم عليه قالوا 10 مليارات ويجي ابوي ويشريه لي ونعطيهم هلكوبتري يرجعون فيه للارض مثال2/ مررره كنت طفشااانه واجي اقول لأخوي يشري لي سفينه كبييييييييييره اوسع صدري وادور بالعالم كللله ويجي يشري لي تؤام التيتانك اول مادخلته قمت اراكض بالاسياب ادور جاك وروز بس مالقيتهم الموهيم جلست فيها شهرين وبعدين ملييييييت تدرون وش سويت فيها كسرتها ايه كسرتها وش اسوي مليت كسرتها عند شواطئ باريس ونزلت وعجبني برج ايفل  تدرون وش سويت فيه قلعته وجبته للريااض وصفيته جنب المملكه والفيصليه << احس قوويه صح اتمنى انكم الحي فهمتوا الموضوع بس ارجع واقول لااازم صور  وتراني مارجعت الموضوع يعني لالقيتوا اي خطأ استروا علي والسلام خير ختام
اخر تعديل كان بواسطة » بـنـ**الزعيم**ــت في يوم » 17/07/2008 عند الساعة » 05:54 AM | 