بســــــــــــــم اللــه الرحمــــــن الرحيــــــــم

كان يا ما كان في قديم الزمان …… …
كان فيه إمرأة عجوز قاعدة بروحها

وفجأة طلع لها ابليس ………
العجوز خافت وسمت بالرحمن

قالها ابليس : أنتي يا عجوز هل تعتبرين نفسك داهيه ؟؟

قالت العجوز : نعم أنا داهيه ……….. والنساء عموما كيدهن عظيم

قال أبليس : أنا أتحداك …….. وبنشوف مين كيده أعظم ….. المرأة ولا أبليس

قالت العجوز : خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز بالرهان

قال إبليس : OK

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس …….
إذا تبي فلوس لا تتدخل ولا تتكلم

وافق الشاب لأنه طفش من البطاله ويبي فلوس

راحت العجوز ومعاها الشاب لمحل قماش وقالت له أتنتظرني عند باب المحل

دخلت المحل وخذت قماش غالي وراحت تفاصل تاجر القماش

قالت العجوز : رخص يا بن الحلال …

قال التاجر : اذا أنتي ما عندك فلوس أخذي شيء أرخص

قالت العجوز : ما أقدر …. لازم ولا بيصير شي ء ما صار

قال التاجر : ليش ….. لهالدرجه ….. شسالفه ؟

قالت العجوز : شفت الشاب اللي واقف عند باب المحل .. هذا ولدي

يحب له وحده متزوجه وهي تحبه ولما تتطلق من زوجها … ولدي بيتزوجها

وهو قال لي أن عارضتي الزواج أطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته باسمه العجوز تبكي

قال التاجر : خلاص هونيها وتهون والله كسرتي خاطري …. خلاص أنا أعطيك القماش ببلاش …. وعسى الله يأجرني

العجوز طلعت مستانسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

قالت العجوز : آه يا بنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق

رحبت الزوجة ودخلتها وأكرمتها وجابتلها شاي

قالت العجوز : مشكوووووورة ما تقصرين إن شاء الله أردها لك (تعمدت تنسى القماش) وطلعت

قالت الزوجة : حرام نست قطعة القماش … أكيد بترجع بعد شوي وتأخذها

بروح أحطها بالدولاب

تاجر القماش رد لبيته وتغدا ذاك الغدا السنع ونام شوي

قام العصر وفتح الدولاب بيغير ملابسه عشان يروح محله ,, وفاجأة شاف قطعة القماش

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها

العجوز كانت تنتظر هاللحظه في أخر الشارع فراحت لها تركض

قالت العجوز : وش فيك يا بنيتي ليش تبكين ؟؟

قالت الزوجه : زوجي طردني … وما أعطاني فرصه أتكلم

قالت العجوز : خلاص أنا بأوديك بيتي وأنا بروح أحل المشكلة

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول : كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي)

ذهبت الشرطة وقبضت على الشاب والزوجه …. وقطوهم بالسجن

قالت العجوز : ها ها وش رايك يا أبليس دورك الحين حل المشكله

قال أبليس : لا لا ما أقدر أحلها السالفة تشربكت مرررررررة

قالت العجوز : أنا راح أحلها وكأن شيء لم يكن ..
وراح أربح الرهان

راحت العجوز تزور الزوجه بالسجن وقالت لها : أنتي ساعدتيني مرة

وأنا الحين بأساعدك ….. يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك

قالت الزوجة : مشكووورة …. لكن أنتي

قالت العجوز : مالك شغل مثل ما طلعتك بطلع نفسي

تمت عملية الهروب بنجاح

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي : ليش قابضين عليكم وشو مسوين

ردت العجوز : حنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن

عصب الوالي وهزأ الشرطه وما عطاهم فرصه يتكلمون ويقول : غلطانين

وتبون تتكلمون

شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديده

رجع التاجر زوجته وتأسف منها و راضاها بعد

قالت العجوز : وش رايك يا أبليس أنا فككت السالفه سهله

قال أبليس : أنتي ربحتي
يمه ……… يمه أن كيدهن عظيم
انحاش منها وهو خايف
ههههههههههههههههه