سليمان ابو الريش كيفو واخبارو ان شاء الله منيح

1) فيه حادثه انا ماتمكنت من رؤيتها للأسف على الرغم من متابعتي للبارسا في تلك الأيام .. وليومك احاول احصلها .. يقول لك ايام السنوات العجاف .. وقبل لايطلع قوارديولا من الفريق .. قبل بداية المباراه .. دخل قوارديولا بصفته كابتن الفريق .. واعتذر نيابة عن باقي الفريق للحكم .. وقال له ماراح نلعب المباراه .. تعرف هالسالفه والا لأ ؟

2) بيب لاعب ارتكاز على مستوى عالي .. وكسب ود كرويف بشكل غير عادي .. وريكارد لاعب ارتكاز على مستوى عالي لكن كانت بينه وبين كرويف مهاترات .. ولكنه لاحقا كسب ود كابيلو .. وبيب ايضا كان يعتمد عليه كابيلو لوقت بسيط في روما قبل مرحلة الاصابات .. برأيك من الأحسن ؟

3) طيب .. شهر العسل مع مرتك .. ومرتك تشجع ريال مدريد .. تفضل تروح برشلونه وتزور الكامب نو .. او تروح مدريد وتزور البرنابيو ؟

4) طيب .. بتساعدني في مقدمة الرابطه الجديده ؟

5) نوعية اللاعب الا تفضله ؟

6) لوحسيت الدنيا مضايقتك .. وناس كثير قريبين منك خذلوك .. ويش تسوي .. تحشرهم في زاويه وتلعن والديهم .. لو تسكت وتفتح صفحه جديده مع نفسك وتنتحر ؟

العاشق الكاتالوني

كيفك حبوب .. شوف .. التصويت مسألته مربكه بعض الشئ ..

لأنه بامكاننا نقول ..

كل من كان ضد لابورتا صوت او خلنا نقول معظمهم .. لكن موشرط كل من مع لابورتا صوت ..

النادي يملك حوالي 150 الف عضو .. ولكن الا صوتو سواء بـ نعم او لا .. اقل حتى من النص ..

وبالتالي تختلف الحسبه في هالحاله .. يعني مو اكثر من نص الأعضاء صوتوا ضد لابورتا ..

ويكفي ان نعرف ..

اشخاص لهم وزنهم .. مثل باسات .. وقاسبارت .. وكرويف .. واشخاص لهم كلمه قويه ومسموعه .. عارضوا هالحمله ..

الا صار شئ ديمقراطي من ناحية الفكره والمبدأ .. ولكن الأهداف غامضه .. واقرب الى المشاكل الخاصه من الواقعيه من ناحية مصلحة النادي ..

وهي شبيهه باللي حدث قبل موسمين لما تأخر لابورتا عن اعلان الانتخابات .. وصار فيه رئيس مؤقت .. وتضرر فيها الفريق من ناحية التعاقدات وتوقف على قودي وتورام وزامبروتا ..

الأهم مصلحة النادي .. والا سواه جيرالت حق مشروع .. لكن وقته خاطئ تماما ولا كان فيه اي ذرة اهتمام بمصلحة الفريق ومستقبله ..

لابورتا فوق الكل لسبب واحد .. لأنه لو مالابورتا بعد الله طبعا لا انت ولا اي مشجع برشلوني قدروا يشوفو الفريق يشيل كأس التشامبيونز ليق ..

كيف ؟

اقلها الصفقات .. من مولها .. من سدد ديوني النادي .. من رفع من اسهم النادي .. من الا خله النادي يتحسن على مستوى العالم في سمعته وشهرته ..

مجلس ادارة لابورتا من انجح الادارات في اوروبا .. وعلى الرغم من استحداثها لأشياء كثيره الا أنها دائما تحاول الحفاظ على فلسفة النادي .. وهالشي الا يميز برشلونه وهي الحفاظ على طابع خاص فيه ..

اما مسألة حكم ظلم فريقنا .. لابورتا يطلع يعترض عليه .. قول لي عن رئيس عاقل سواها ؟ ..

شوستر انتقد حكم .. وقال عنه كاتالوني .. شوف ردة الفعل الا صارت ضده ..

ترى اخطاء الحكام جزء من اللعبه .. وانت موقاعد في نفس الحكم عشان تقول ظلم عيني عينك ..

لابورتا شخص خلوق .. وهالشي يجب الافتخار به مو اصير ضده ..

http://youtube.com/watch?v=uNyXbvwg5hU

هذا الفيديو يبين لك كيف الناس تحترم لابورتا .. وهذا خطاب كان في اجتماع مع الروابط المشجعه للنادي يعترض فيه على الصحافه .. وعلى تدخلهم في الفريق في كل صغيره وكبيره .. وكان يطالب الجمهور بعدم الاستماع لهم ويصيرو مثل الببغاوات ..

لو ما هالشخص يهتم للفريق ماطلع بهالطريقه ..

في النهايه الاختلاف في البتاع لايفسد للبتاع قضيه والسؤال هنا مالمقصود بـ البتاع في كل جزء من الجمله السابقه

تحياتي لكم