( مملكة الحرف ) 3 >>>>>>>

(( الحب .. عندي )) !!

كلٍّ يقــــول اني للاشـــواق مـرباع @ وكلٍّ يقول الحـب عـنـدي ربيعه

وكلٍّ يسابق بارض الاحساس بابداع @ وكلٍّ يغـــنّي بالحـروف البــديعه

وكلٍّ يقـول اني وفـيٍّ .. ومطـواع @ وكلٍّ يـفاخـر بالقـلوب المـطـيعه

وكلٍّ يقول .. اشـري .. ولانيب بيّاع @ واللي يبيع اغلى المشاعر نبيعه

وكلٍّ يقول اني عطا.. بكل الاوضاع @ واجـنـّب الـغـالي مـنازل وضيعه

وانا أقول .. اللي تقولون باجماع @ بعضٍ! من اللي في خفوقي جميعه

لو كلكم صــيت الغـلا .. بـينـكم ذاع @ الحب عـندي .. كل نبضي يـذيعه

ياهل القلوب المرهفه .. مالكم داع @ مـادام كله في خـفـوقي !! وديعه !

================= المملكة 14/3/1424هـ ==================

عذراً !!
======= تأخر نزول الزاوية اليوم بسبب تأخر اكتمال القصيدة .. للتو انتهيت منها .. حيث قررت هذا اليوم ان تكون الزاوية للقلب .. آمل أن تجد القبول ...