خابرين الصيفية والدوريات انتهت وانتهت متعة بطولة اوروبا وانواع الفضاوة قلت لنفسي ما دام اني صاحب خيال واسع خلني أألف قصة ...

عاد دل بييرو لايطاليا بعد الخروج من دوري الثمانية ..والاخلاق قافلة شوي فجأة الجوال يدق والا هو تريزيجيه ..ما كان وده يرد بس عشانه مبطي عنه رد عليه.

اليكس: هلا
تريزي : هلا اليكس كيف حالك؟
اليكس : هذا سؤال انت ووجهك ..اكيد زفت
تريزي : ههههههه.. انا في تورينو عندي كم شغله بخلصها ابي اقابلك مشتاق لك ياكابتن
اليكس: مالي خلق ياشيخ خلني اريح لا تفوت علي قهوة المغرب مع ام العيال.
تريزي: لاحق عليها ابيي اقابلك في الكوفي شوب الساعة 5 اوكي.
اليكس : اوكي خلاص بس خلني ادور مفتاح السيارة شكل الولد ضيعه.

تربزبجبه سبق اليكس وطلب 2 كوفي ..خمس دقايق وصل دل بييرو ...

تريزي: هلا يا كابتن شلونك؟
اليكس: مشي حالك ياشيخ من ابطال للعالم الى خروج بهالطريقة.
تريزي: على اقل انتم وصلتم للدور الثاتي بس حنا طلعنا..
اليكس : وش قصة دومينيك معاك؟ انت هداف كبير ولا يضمك؟
تريزيجيه كان بيرشف القهوة وانتثرت على ملابسه..كح كح كح..كرم المجلس يابو توبياس.
اليكس: هههههه. تصدق الجماهير الفرنسية رافعه شعارات تطالب فيك.
تريزي: شفتهم وانقهرت من جد..لكن المدرب دلخ ..يستبعدني دايم ومدري وش لاقي في الكمخة سيسيه..
اليكس: عندنا وعندك خير..دونادوني ما يستاهل يدرب فريق ضمك بس الواسطات..
تريزي: هههههههههه الله يرج ابليسك.
اليكس: وانا صادق ..كنت اسحب به لين ما يشبع من العشب والحين مسوي فيها
تريزي: بس افتكيتم منه ..لكن صاحبنا قاعد على قلوبنا..لا وبدال ما يعتذر خطب صديقته قدام العالم بكل برود ولا همه حزن الفرنسيين..
اليكس: دونادوني ودومينيك زلايب مجمعة..بس فكنا منهم .تعال قولي وش قصة عرض برشلونة؟
تريزي: عرضهم مغري بس انا ابي انهي مشواري مع اليوفي.
اليكس: طمنتني ..تراهم واعديني بمنصب بعد الاعتزال اقعد وبضبطك..
تريزي: لا لا ما ابي منصب..ابي اخذ عائلتي واريح بالارجنتين لان امي جاها الروماتيزم من كثر المناقز بالمدرجات..
شكلي عطلتك انا بمشي توصي بشي يابو توبياس.
اليكس: مع السلامة ونشوفك في التحضيرات للموسم الجاي ..تشاااااو