بسم الله الرحمن الرحيم



::::::::::::::::::::::::::::::::::::::::::::::::::::::::::::::::::::::::::::::::::::::::::::::::


هذا الشعر اهداء مني الى كل هلالي فقط.



ياهلال انا لو قلت احبك قليله**** واللي يحبك ما يجاهر بالاسرار

ياهلال ياتاج العرب والفضيله**** المجد لك نبراس طيب وتذكار

ياهلال لا لاهل الحسد والرذيله****بانت مواريهم خفا سر واجهار

ياهلال لو يزعل عميل عميله **** انت السبب في نرفزتعم ىالاضرار

ياهلال كل اللي تريده تجي له **** دايم على العليا سبوق وصقار

ياهلال خصمك بين ميله وعيله **** تاخذ مرادك منه وعيونه وصغار

ياهلال يامشفي القلوب العليله**** داو يت جرح وجرح باقي له اثار

اليا خسرت الهم كله يشيله **** اليا كسبت افرحت عشاق الامهار

البارحه مرت علينا ثقيله **** وضاقت بعد ما كانت فجوحها كبار

وش هو النصر حتى يجاري خليله*** اسوا منه مامر عيني و لا زار

هدية الموسم علينادخيله **** ما كنت اصدق كيف تهدي على الجار

صحيح ما ترضى لنا بالفشيله**** واكيد ما نرضى لك الذل والعار

واللي حصل كبوة جواد اصيله **** اليا عثرت قامت وهي تشعل النار

بدري عليهم يشعلون الفتيله**** دامك هلالي للبطولات حكار

والانديه خلفك تجر الطويله **** يا ليل ياليل الشقا كاسنا طار

اما خذيته بالسيوف الصقيله**** والاخذيته وسط زخات الامطار

خيرك وصل عم الحضر والفبيله**** غيث على المحبين مدرار

كل يخيل قبل يحدث مخيله**** ماهي غريبه با لتحدي والاصرار

ولا سال سيله اه لاسال سيله**** ماحد يرده لاتحاد ولا نصار

الين تصبح من حطامه نثيله **** وتمسي وهي شفقانه تاخذ الثار

مسكين ياللي حظوظ دربك ضئيله**** اصبر كما يصبر على المرء غدار

جمهورنا الازرق علومك نبيله**** سر الانتصارات و للبطولات بشار

كوزمين مدربنا صعب بديله **** كل النوادي من نتائجه تنهار

نافس على كل الكؤؤس الجميله*** واليا زعل يحق له يترك الدار

بان انفعاله قبل عشرين ليله **** ليه التدخل في شؤونه و الاعذار

او لاريو ياذيب مال الكحيله**** الا انت يا ذرب الفعائل و الافكار

ياسر انا قد قلت ما فيك حيله**** ويشهد على ماقلت نظمي لاشعار

ياما اشتكى منه العدو ويل ويله**** قناص ماهر عازف الفن سحار

طارق اذا بدع ولبس الفنيله **** موج يلاطم خصمه يمين ويسار

ارتاح لامنه حضر يا حليله **** فنان مبدع ساحر كل الانظار

كل المحاور غير خالد ذليله**** عزيز جاكم كا نه الرياح معصار

يا الاخطبوط ان كان للفن شيله**** انت الوحيد اللي له الفن يختار

مافيك حيله دوم مافيك حيله**** دايم على العليا سبوق وصقار


وسلامتكم

ارجو تثبيت الموضوع


لاتنسون الردود................