نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - كلكم قولولي سرج في بير + ادخلووو واقروو بس ( خااااص )

dal3_uae · #1 29/06/2008, 01:33 PM

يا حي من تيمني الشوق ... وأنا شراته صرت مشتاق

والله اشتقت للمواضيع وكتابة المواضيع ...>>>اللي يقول
من زمان ما كاتبه >>>

بالمناسبة

شرايكم بالقرعه تصيفات امم آسيا ؟؟؟>>>عدلناها خلاص
صراحه فنتك ...

أحلى شي مقابلتكم

واليوم ..

اسبانيا

\

ألمانيا

فهمتو شو اقصد ...
أبا اسبانيا اتفوز

أوه نسينا المجلس العام

لا يناقش المواضيع الرياضية

المهم
نرجع لموضوعنا ...

بقوللكم سر من اسراري ...
أنا الصراحه من متابعي مسلسل

سنوات الضياع

أموت في لميس

... ويحيى يعيبني

>>>جب ولا كلمة
قبل كم يوم سمعت انه حرمة سعودية تبى الطلاق من ريلها بسبت هالمسلسل
لأنه ريلها معجب في لميس ...

فأنا وريلي من متابعي ... مسلسل

سنوات الضياع ..

فيت لقطة يوم يحيى يسوي الحادث ... ولميس اتشوفه من بعيد ...
وبعدها التقت لميس بيحيى ..
أنا شو قلت ...
قلت الله ياخذ ابليسج بعد يايه اتشوفين يحيى بعد كل اللي سويتي فيه

يا حليلني ... عايشة جو المسلسل ...

إلا وشويه اشوف ريلي يطالعني بنص عين ...

قالي لا اتسبين لميس ... حرام في البداية هو السبب ... ليش ما يباها ؟؟؟ّّّ

قلتله لا وادافع عنها بعد ...

قالي مثل ما انتي ادافعين عن يحيى ... أنا بعد بدافع عن لميس ...

قلتله من زينها الدبه الحين ... قالي احسن عنج ...

انتي يالسه تمدحين يحيى ومب حاسة بعمرج ...
اهني اتقفطت ...

مالي ويه

قلتله والله انا احسن عنها بمليوووووون مرة ..

خذت الريموت ... وغيرت القناة وأنا بداخلي محتررقة
ليش يقول جيه ...
يدافع عنها بعد ...
قالي ردي القناة ... قلتله ما اريد ... تيلس اتشوف هالخايسة

ما بحطه ...
وأنا ابااا اشوف المسلسل ...
بس قلت في خاطريه خله احسن عشان يتأدب وما يقول انها احسن عني ...

حطيت ع القناة ... وقلتله شوفها مدام عايبتنك
قمت وشليت بنتي ورحت داخل ...
الا وشويه ولحقني ...
حس انه قال شي غلط ...

قالي اذا بتشوفينه ... بشوفه وياج .. واذا ما بتشوفيه خلاص ما بشوفه ...
قلتله لا سير طالعها لا تفوتك لقطة ...

>>>مسوية عمري زعلانه

يلس يضحك ... وأنا بداخلي نااااااار

::

قالي والله ما تي ظفرج ..

اهني برد قلبي ... وارتحت ...

اهني قلتله خلاص انا بطالع بس انته لا تي ... قال لا والله
حلال عليج يحيى ... وحرام عليه لميس

يلست اضحك ... وبعدها ما شفنا .. الحلقة ..

ترييت لين في الليل الساعه 2 ... وشفت الحلقة كامل ...

>>>>>>>>

المهم ... تعلمت
1- اذااا في مسلسل في بنات حلواات مثل لميس >>>ما بخلي ريلي يطالع

2- وتعلمت بعد اني ما ايلس امدح البنات يدام ريلي ... او يدام اي حد
من الرياييل ... لأنهم ابسرعه ينغرون ...

وكل السبب مني أنا ...
أنا اللي يلست وافهمه قصت المسلسل .. وهو عيبه ...

ونصيحه للي متزوجة ... لا تقول حق ريلها يتابع شي
لأنه صدق عقله بيفتر

تابعو بروحكم من غير ريايلكم

وابجذي خلصت القصة وانتهت

::

الموضوع الثاني :
يخص بنتي

فديت روووحها ...
يت فترة كله اتصيح ...
ما اعرف شو فيهااا ... احاول وياها مني ومناك ... ما اعرف شو فيها
اتصلت على امي في الليل ...
لأني أنا في بيت اروحي ... ومب ويا اهل ريلي ..
فاتصلت بماماتي في الليل وقلتلها تي ... بيتي ..

يت ماماتي وانا اصيح .. ما اعرف شو فيها ...
حاول وياها ماماتي وما عرفنا شبلاها ...
ماماتي قالت ودوها المستشفى الحين ...
وديناها ... مستشفى توام ..احسن مستشفى حكومي في الامارات

يا الاستشاري مال الاطفال ...
ويلس يشوف بنتي .. ويقلبها فوق تحت ... وانا معصبة ليش يزخ البنت جيه ...
اقول حق ماماتي اشوي اشوي عليها ...
قالتلي عادي .. المهم
طلعت الفحوصات ...
باليوم الثاني الصبح ...
ما كنا راقدين ... اتصلو علينا وقالولنا تعالو بسرررعه ..
انا مت اهني قلت اكيد فيها شي ... مدام يقولولنا تعالو بسرعه ..
كلمنا الاستشاري .. قاللنا انه البنت راسها فوق وين الماي الجمجمة ما تتسكر
ما فهمت قصده ...
قال يعني البنت يمكن ما تعيش وايد ...
اهني يلست اصيح ...

ومن الصدمة مب مصدقة ...
شلو البنت عني ... لأني انا مب ماسكة عدل وشوية وبطيح ..
صراحه ما اعرف كيف وصلت البيت ... باباتي درى بالسالفه ... قال ودوها مستشفى ثاني وشوفو شو بيقول ...
وديناها مستشفى الكند ...
دقايق شافها الدكتور ... قال منو قص عليكم ... البنت سليمة 100 %
ما فيها شي ... قلناله انه توام قالولنا جيه ...
قال والله البنت سليمة 1000000000 % اذا مب مصدقين ..
اهني ارتحت ...

وردت فيني الروح فديت بنتي ..

والله ما اعيش بدونها

::
وما شي...
المهم رفعنا قضية على الاستشاري الالماني ...
وشلوه على طوووول من المستشفى ...
واهني صدق صدق ارتحت ...
والحمدلله انه بنتوتي ما فيها شي

مجرد خطأ تحليل طبي

::

همسات :
أول شي انا عتابنه على بعض الناس ...
هم يعرفون عمارهم ..
يخطبون حق ولدهم مرتين ...
اول شي خاطبين بنتي وخلاف خاطبين البنوتة الثانية
كيف جيه ؟؟؟ّّّ!!!
ترى انا ما ارضى انه الولد ياخذ الثانية على بنتي

إقتباس


	شادن كم عمرها ؟ شدو لطلول ... وفرح لفارس .. وبكدا يكون سمننا في دئأئنا ( وبكذا يكون سمننا في دقيقنا ) بس بالمصري

ثاني شي وين الاعضاء ... ؟؟؟!!
احس انه نصهم ضايعين .. وما يتواجدون مثل الاول ..
المنتدى مب حلووو بدونهم
البركة في الموجودين ... لكن بعد
تعودنا عليهم وعلى ردودهم ومواضيعهم ...

::

اول مرة اكتب موضوع جي طويل

يمكن لأني قلت اشياء خاصة ...

اقصد عائلية

السموحه ع الاطاله

::

وانتهت السالفة وخلصت