مـابــعــد الــسـعــودة ... !!!! - تحقيق خاص بشكبـة الزعيم -
[ALIGN=CENTER]
شـبـكـة الـزعـيـم :- الـريـاض
تـحـقـيـق :-
yazeed_9 - {}ــحــ{}ـــد- Mr.Za3eem
بـسـم الله الـرحـمن الـرحيـم
أُصــدر قـبـل فـتـرة مـعـيـنـة , قـرار بـسـعـودة أســواق الخضـار
سـَعـِـد الـبـعـض فـي هـذا الـقـرار .... وتـوجـة بعـض الـشـبـاب الـعـاطـل إليـة
ورفـض الـبـعـض الآخـر الـعـمـل هـنـاك ,, بحـجـة عـدم الإقـتـنـاع أو ربـمـا الكـبـريـاء ...!!!!
والـعـاملـيـن هـنـاك .. أقـتـنـع البـعـض بـالعمـل ,, وكـرهـة آخــرون
وحـتـى الـعمـلاء ... بـعـضهـم تـأذى مـن الـسعـودة .. والآخـر أسـتـفـاد
هــذا مـانسمـعـة مـمـن حـوالـيـنـا .... وكــ الـعـادة .
تــوجهـنــا لأكـتـشـاف حـيـاتهـم الـخـاصـة هـنـاك .... وألـتـمسـنـا الألــم 
ولــكــم مـاحـدث ,,,
بــدأنــا مـع صـاحـب مبسـط الـبـطـيخ (( الجح  )) .... أبـومحـمـد الـمطـيـري :
أبـومحـمد . كـم صـار لك هـنـا وكـيـف بـديـت .. ؟
هـذا المبسط خـاص لي ... وصـار لـه سنتين ,, وأمـا فـلـوسـة فـ أنـا اشتغلـت لمـدة 3 شهـور
ودخـلـت مبلـغ بـديت فيـه هالمبسـط مع شريــك
وبـالنـسبـة للـشـهـادة الـي معـي فـهـي السـادس الأبتـدائـي .
كـيـف الـسـوق معـكـم .. ودوامـكـم متـى وقتـة ؟
والله الـسـوق يـوم ويـوم .... يعنـي لـنا زبـايـن معـينين يجـونـا ,, وبـالنسبـة للـدوام مـن السـاعـة 6 ونـص الصبـح .. ليـن 11 بـالليـل .
الـزبـائيـن .. وش يـرضيهـم , وكيـف الـتـعـامـل بيـنـكم ؟
الـزبـون يهمـة البضـاعـة النظيـفـة .. وبعضهـم يهمـة السعـر أكثـر
وأمـا التعـامل معهـم .. فـلكـل واحـد وزن بالتعـامل ,, فـ بعضهـم يجـي وماتعجبـة الأسعـار الغـالية
على أننـا نشتـريهـا جملـة غاليـة .. ونبيعـهـ غـالـي والرخيص نبيعـة رخيص.. لكـنهـم مو متفهميـن للشي هذا
فـزي السـوق ينـزل ويرتفـع .. يعني بدايـة موسمـة يجي غـالـي اما لـو كان في نص موسمـة مايجي غـالي .
السـوق قبـل فـترة كـان مـاسكـة الأجانب , بـرائيـك وش الأفضـل , وبـرأي الزبـون ؟
الحيـن احسـن أكيـد .. يعني قبـل مانستفـيـد شي .. الأجنـبـي مـاخـذ الفلـوس كلهـا
يعنـي يجـي هنـا طفـران .. ويـروح شبعـان ,, وحـتى الزباين يفضلـون الحين .. من أول الأجـانب رافعيـن الأسعـار لأن كـل همـة يـاخـذ الفلـوس ويـروح ولا يهمـه الزبـون عكـس السعـودي .
خـارج السـوق .. وبـالتـحديـد الأنتـرنـت والشغـلات الممـاثـلـة .. مـالكـم فيهـا ؟
والله مالنـا فيهـا .. حنـا يالله الجح .. وبـس .
وعــن الهـلال ... قـال أعـرف أنـه فـايـز عـ النصـر , وأنـه فـريـق ممتـاز .
وتـدخـل زمـيـلـة ... مـاجـد عبـدالرحمـن ,, بعـد أن طلبنـا من أبـومحـمد كلمـة أخيـرة وقـال :
يـاخـوي الأجـانـب أول .. كل شي خـربـان ويغشـون عـ المسـاكيـن ,, وأمـا الحيـن عنـدنـا تنظيـم
كـل شي خربـان على جـنـب .. ونقول هذا الخـربان .. تبي خربان هذا هـو وسعـرة كـذا .. وهذا الجـديـد وسعـرة كـذا
وأمـا الحيـن صاروا الواحـد يرغب الشـراء .
الـظـاهـر أنـت الخبـرة يـاأخ مـاجـد : وشلـون نميـز الـجح الخـربـان من الزيـن ؟
عـنـدك هذا حـق المديـنـة , اذا طـقـيـتـه وطلع لك صـوت , فـأنـة الممـتـاز , أمـا حـق الـوادي اذا طقيـته وطلع الصـوت متـوسـط فـ أنـه زيـن .
وإنـقـلـب حديـث مـاجـد فـجـأة ... وقـال :
والله الحـيـن يـاخـوي تشـوف شغـلات كثيـرة , يعنـي الناس شـوي تعبـانـة والواحـد متضـايـق وعنـدة أسـرة وأطفال .
أمـا الـبـلـديـة هـذي .. مضـايـقـة نـص الـنـاس , يعنـي الـنـاس الي تبيـع بـالشارع , وتكـون محتـاجـة
وشـاري لـه الواحـد بضاعـة ويبـي يصـرفهـا بـالشـارع
يعنـي ماعنـدة القـدرة لا عـلى مبسـط ولا بـقـالـة , والـبـلـديـة مـاتعطيـة الـراحـة يعني يشتـغـل لـه شهـر شهريـن
وتمسـكـة الـبـلـديـة وتغـرمـة وهـذا الـشـي يضـايـق إلـي يبـي رزقـة بـرا .
طـيـب الأجـارات ؟
الأجـار ألـف وخمـس ميـة بـالشهـر , ويمـكن تـوصـل لألفـيـن حسـب الموقـع.
أنـتـقــلـنـا بـعـدهـا ... لـبـائـع الخضـرة فـؤاد عـبـدالرحيـم (( 20 عـام ))  :
أخ فـؤاد المبسـط لك أو شـغـال فيـة ؟
لا المبسـط مستـأجـريـنـة ... وصـار لـي سنـة ونـص .
وعـن أغـلـب زبـائـنـة ؟
والله فـيـة حقيـن البـقـالات والمـطـاعـم ,, وأفضــل بشكـل عـام الـزبـون الأجنـبـي .
مـشـاكـلـكـم مـع الـبـلـديـة ... كـيـف تكـون ؟
والله يجـون يـاخـذوا البضـاعـة الخربانـة , ويشـوفـوا بطـاقـات البـائـع .
وعـنـدنـا مشـاكـل .. مـع المبـاسـط الي يمـلكهـا الأجـانـب , ويشتغـل فيـهـا سعـودييـن .. وهـالشـي الي يكسـر عليـنـا السـوق
والمشكـلة اذا جـت الـبـلـديـة .. مـاتحصـل غيـر السعـودييـن .
مـاتحـاولـون تـقـدمـون شكـاوي عليـهـم ؟
والله نقـدم شكـاوي , لـكن مافي أحـد يجيـنـا ((( وأشـار عـلى أحـد المبـاسـط )) هـذا مخـالـف , وأجتمعـنـا وبـلـغـنـا
لكـن للحـيـن هـو شـغـال .
ممـن تـجـد الـمنـافسـة ؟
تقـريـبـاً مافـي منافسـة , لـكـن في البعـض الي يسـوي تصفيـة .. هو الي يسبب لنـا مشـاكـل مع الأسعـار .
(( الـبـيـذجـان )) ... ليـن مانـزل وش تسـون ؟
نستـوردة من بـرا .
كــم دخـلـكـم الشهـري ؟
مـن خمسـة إلـي عشـرة آلاف .... صـافـي .
أفـضـل مـجـال بـالسـوق ... بنـظرك إيـش ؟
والله الخضـار يعتبـر أحسـن شي .
أنـتـهيـنـا بـالحـديـث مـع فـؤاد , الـي بـدا عليـة الخجـل والأرتـبـاك ,, ممـا أنهـى الـحـديـث سريعـاً .
تـوقـفـنـا بـعـدهـا .. عـنـد بـائـع الطـماطـم .. الأخ نـايـف الـعـونـي :
والـي أصـر عـلى جـلـوسنـا واستـضافتنـا ,, ممـا أخرجنـا بهـذا الحـوار المطـول :
بــدايـتـك أخ نـايـف بـالسـوق .. مـتـى كـانـت ؟
انا بـديـت بـالسـوق مـن قبـل السعـودة .. يمكـن قبـل خمـس سنـوات
ويـوم سعـودوا السـوق .. بديـت بـالجلـوس فيـة .
ورايـك بـالسعــودة .. وهـل تَصـدِق مقـولـة أن الأجنـبـي أنشـط فـي هذا المجـال ؟
والله الـسـعـودة لابـأس فيهـا , لاكـن فـيـهـا نواقـص كـثـيـرة
وبـعـديـن الـسـوق نفسـة يختلـف عـن أول ,, الـبـلـديـة سـامحـة للـنـاس تبسـط بـالشـوارع والـرقـابـة ضعيفـة .
وبـعـديـن بينـي وبيـنـك السـعـودييـن ينـظرون للسعـودي غيـر الأجنـبـي .. يـمـكن نـظـرة أحتقـار .. !!!
لكــن الأغـلـبيـة منهـم فـاهميـن .. والي اتكلـم عنهـم يشكلـون 20 % بس من النـاس , ولا البـاقـي يشجـع السعـودي .
ذكــرت قـبـل شـوي .. أنـه فـيـه نـواقـص ... مـاهـي ؟
مثـلاً لازم يصيـر تـشـديـد عــ الـرقـابـة للنـاس الغيـر سعـودييـن ومع ذلك يشتغلـون
وأيـضـاً الـنـاس الي تبسـط بـالشـوارع وهـو ممنـوع .
يـعـنـي عنـدك أيـام الخمـيـس الجمـعـة , أول كـانـت هي سـوقنـا لكـن الحيـن مافـيـهـا أي شغـل ,,
يجـونـك يبسـطـون عـنـد بـوابـات السـوق ... وحـنـا الشغـل ينقطـع عنـا .
وأيـضـاً عـنـدك الأسـواق الـتـجـاريـة .. مثـل بنـدة والعثيـم وغيـرهـا مسببيـن المشـاكـل لنـا .
مـوقـف الـبـلـديـة ... والـمفـروض أنهـم معكـم ؟؟
الـرقـابـة غـايبـة .. والمـفـروض أنـه فيـه تعـاون بينهـم وبيـن الـدوريـات الأمنيـة .. لكـن هـالشـي ماحصـل.
وحـنـا إلـي نبيـة منـكـم تـوصـلـون هـالشـي للإعـلام ... يمكـن يـوصـل للمسـؤلييـن .
والمشكـلـة البـلديـة مو خسـرانيـن شي ,, ودامهـم سـعـودوا السـوق .. لازم يشـددون الـرقـابـة .
ويـن الـمنـافسـة مـن أصحـاب المبـاسـط الـجـوالـة ؟؟
والله شـوف .. عـنـدنـا هـنـا أقسـام , أمـا هـم مجمعيـن كل الأصنـاف وعلشـان تسهـل على الـزبـون
وبعـديـن انا عنـدي أجـار ونقـل , وكلهـا بتنخصـم من الـدخـل ,, لـكـن هم منزليـن الأسعـار ولاهـم خسـرانيـن شي .
أخ نـايـف مـكـسبـك مـن المبسـط ... هـل هو دخلـك الـرئيـسي ؟؟
والله شـف , في ناس معتمـدة على الله ثـم على هـالمباسط ,, وأنـا ما أتكـلـم عن نفـسي انا واحـدن ولله الحمـد عنـدي وضيفـه ومحـلات ثـانيـة .
لـكـن غـيـري دخـل أسـرة أو أسـرتيـن , كـلـه من الـمبسـط .
والـصـراحـة صـار للـسـوق 6 شهــور خسـران , وشـوف عيـنك المبـاسط فاضيـة .
بنـظـرك غـيـر تشـديـد الـرقـابـة ... مـالحـل ؟؟
ألـغـاء تـرخيص المـحلات إلـي بـالأحيـاء وغـيـرهـا , والحـد عـلى الأسـواق المـركزيـة المنتشـرة بـالمنطقـة , أو ألـغـاء الأســواق المـركـزيـة .
بـعـد أن لاحـظـنـا الجـو أصبـح شـكـاوي × شـكـاوي ,, قـاطعـتـة بالسـؤال :-
وش رايــك بـالهـلال ؟؟
الــزعــيــم ... زعــيــم .
طـيـب تتـوقـع نـدخـل الـمـربـع  ؟؟
والله الهـلال .. ظـروفـة صعبـة ,لاكـن نتمنــى تخـدمنــا الظروف وندخــل .
بـعـد الـدوام ,, ويـن تتجـة ؟؟
والله أنـا روتيـنـي على حسب ,يعني الصبح دايـم موجـود , وليـن جا الظهـر رحت أريـح بـالبيت
أن كـان عنـدي شغـل جيـت بعـد العشـاء أو أحيـان العصـر يعني على حسـب .
لـكـل مـهـنـة .. أســــرار , وش سـر المهنـة عـنـدكـم ؟
والله الخضـار مـافيـة أسـرار , بيـع وبـس .
نـوعـيـة تـبـهـذلكــم مـن الـزبـاين ؟؟
والله الشبـاب والحريـم , هم إلـي ياخـذون بـدون كـلام
لاكـن الكـبـار شـوي بـالسـن والهـنـود .. هـم إلـي يبـهـذلـونـا .
وأثـنـاء الـحـديـث شـاركـنـا الأخـوان .. فـلاح وعيسـى المطيـري :-
بـمـا أنـكـم شبـاب مـاشـاء الله ,, وش رايـك فـي بعـض الشبـاب الأتـكـالـي ؟؟
والله طـول عمـرة بيعيـش بـدجـة ,, واذا كـان معـتـمد على فـلوس أبـوه بيجـي يـوم ولابـد يحتـاج للشغـل .
كـلـمـة أخـيـرة أخ نـايــف ... وبـالـتـحـديـد لجمهـور الـهـلال ؟؟
الله يعطيـكـم الـعـافيـة على اللقـاء ,, وجمهـور الهـلال .. إن شـاء الله مـن بطولـة لبطولـة وجعـل أيـامكـم كلهـا سعـادة .
مـا أن أبـتـعـدنـا عـنهـم ... ألا ولـحـق فـيـنـا واحـد من الي كـانـوا واقفيـن قبـل شـوي :-
وقـالـي عـنـدي كـلـمـة ودي أوصـلـهـا ... قلـت لـه سـم وفـتـحـت جهـاز التسجيـل
قـالـي ... لا لا .. أصبـر شـوي , رديـت عليـة أن تـواجدنـا فقـط لنقـل كـلامـهـم للنـاس
وقـال يالله ,, بـعـد رفضـة للتصـويـر أو حـتـى الـتـعـريـف بنفسـة :
أحـب أقــدم شـكـوى عـلى الـعـمـالـة , لأنـهـا مسيطـرة على السـوق ومشغلـيـن عمـال على الـرواتـب
وأنهـم اذا جـت البـلـديـة يهجـون ,, وآخــر اللـيـل يظهـرون الـمخـالفيـن .
وأيـضـاً الـجـوازات مـاتمـر ألا بـالسنـة مــرة .
وأيـضـاً نشتـكـي مـن تعـامـل بعـض الزبـايـن معـنـا ,, وبـعـض الشبـاب الله يهـديهـم
يجـي يضـايـق الحـريـم إلـي يشتـرون.... !!!!!! 
وأيـضـاً فـي عـمـال دورات الميـاة , أيضـاً يجـون في آخـر اللـيـل يشتغلـون داخـل السـوق .
وبـس ... هــذا الـي عنـدي تقـريبـاً .
وبـعـدهـا جـانـا واحـد من الشبـاب ((مـازحـاً )) ,, وقـال :-
يـاخـوي وشلـون تسـوون مع هـذولاء مقـابلـة , وحنـا يـاشيـوخ السـوق ماتقـابلـونـا .
قـلـت لـه تـعـال يالله ... عـرفنـا بأسـمـك أول وكم لـك يـاشيخهـم :-
مـعـكـم أبـومحـمـد ... وأنـا والله صـار لي 7 سـنـوات بـالسـوق
يـعـنـي كـونـت الخـبـرة الـكـافيـة ؟؟
والله أيـه الحمـدلله .. لاكـن السـوق مـو مثـل أول , كـل سـنـة أردى مـن سنـة
يـعنـي اذا كثـر الشـي ..... رخــص .
مـاتتـعـرضــون للسـرقـات ؟؟
الحـيـن لأ ... لاكـن أول أيــام البضـاعـة المستـوردة فـيه .
كـيـف دخلـكـم كـ أسـرة ؟
والله الحمـدلله ... يعنـي في المبسط , والـوالـد عنـدة وظيفـة , يعني نتعـاون على المصـاريـف .
7 سنـوات فـي نفـس الشغلـة ... ليـة مـاتغيـر ؟؟
والله أن الله عطـانـي عمـر .. مـاني طـالـع من هـالسـوق , وأن الله كـتـب فتحـنـا محـل بـرا .
بـعـد الـسـعـودة هنــا ... شـغـلـى ثـانيـة تتمـنـى أنهـا تتسعـود ؟؟
والله نتمنـى البـقـالات تتـسـعـود ... وأيضـاً محـلات الخضـار بـرا تتسعـود بعـد , وأيضـاً المـركـز الرئيـسي إلـي ناخـذ من عنـدهـم مايدخلـه غيـر السعـودييـن .
وش رايــك فـي وضـع شـبـابـنـا بشكـل عـام ؟؟
والله الحمـدلله , يعنـي نـادر الواحـد يكـون عـاطـل ,, إلـي يـدور الشغـل يلقـاه .
((((((( يــتــبــع ))))))
[/ALIGN]  |
