شعر سموالامير عبدالرحمن بن مساعد(آه يافيصل)
شعر سمو الامير عبدالرحمن بن مساعد الذي كتبه بامير الشباب صاحب السمو الملكي الامير فيصل بن فهد رحمةالله عليه.
إدلهمي ياليالي خابرينك
تاخذين من الطيبين..الطيبين
واهدي يادنيا بقاياخيرينك
للديار اللي تجازي المحسنين
مير حنا ياالهي عابدينك
ندري ان الموت حق ويقين
مؤمنين بحكمتك مستغفرينك
بك على كل المصايب نستعين
مات فيصل ياقلوب الله يعينك
الفجيعه مذهله يامسلمين
آه يافيصل يقول مفارقينك:
لويردك دمع او حتى انين
كان هز الارض رجع مودعينك
وكان سالت نجد بالدمع الحزين
التعازي تنتخي:ياصابر وينك
والذهول فوجه احبابك سجين
ماهو بس اهلك وربعك ناعيك
الدول والناس عرب واعجمين
اليتامى ياابوهم فاقدينك
يسألون:الطبيب المحبوب وين؟
كم مريض لقى مدة يدينك
العلاج وقبلك اهله يائسين
تخفي عن يسراك مااعطت يمينك
ومن كثر مااعطت لواخفت يبين
آه يافيصل شكت منك سنينك
ماقوت طيبك ولانت تستكين
شاكرينك ياالهي وحامدينك
وندري انالك الهي راجعين
ماتشاقدرت آمنا بدينك
خاضعين لما حكمت وراضين
ياعظيم الباس ياالله سائلينك:
إجزي فيصل بالرضا وفوز مبين
واعف عنه يالهي راجيينك
تكتبه يالله من اهل اليمين
{اللهم امين} | 