بااركووولي حأستلم رخصتي بعد يومين (معاناتي مع العساكر)
بسم الله الرحمن الرحيم.
تحيتي لأهل المجلس العام.
طبعا في يوم جميل والجو عليل في جدة>>>>من جنبها 
قررت ان اطلع رخصة بعد سنتين من السواقة الغير نظامية والقسايم المتعددة طبعا انا معايا سيارة بس اتوماتيك ورحت اختبر عادي <<<من الدلاخة طبعا المهم رحت سددت قسايم ب 1300 ريال زائد عمولة 60 ريال زائد قيمة رخصة 75 ريال زائد درس اشارات 100 ريال مصاريف والله.
المهم رحت قدمت اوراقي وكدا قلي روح ميدان واحد افلحت على الميدان وانتظرت دوري طبعا انا ماعندي خبرة في كيف ينجح ولا ما ينجح المهم دخلت ركبت السيارة جيت اربط الحزام قلي العسكري لا تربط الحزام قلت ماشي .
طبعا العسكري شايفني متوتر ويبغى يطقطق على راسي يأشر بيدو يمين ويقلي ادخل يسار انا اتلخبط واروح يمين شوية كدا قلي جنب ويقلي راسب قلتلو ليش يقلي عشان ماربطت الحزام  طبعا هوا كتبلي أ يعني ناجح بس انا من الصدمة ماطالعت في الملف ويقلي انزل اقلو فرصة تانية يقول مافي نزلت في قمة الحزن لمن وصلت لخوياني قلتلهم رسبني العسكري الا يقولولي مكتوب ناجح في الملف اقسم بالله انا متوتر وماني ناقص والعسكري جالس يتونس بس دفعت 100 ريال للأشارات واخدت الدرس ورحت اليوم اختبر.
اختبار اليوم:
اختبار اليوم كان العن لأنو دوارات ضيقة وكذا انا ركبت السيارة ومشيت قلي العسكري ادخل الدوار دخلت الدوار والسيارة وركبت الرصيف قلت للعسكري معليش وفرصة ثانية قلي طيب امشي وامشي شوية وتاني في الرصيف قلي خلاص انزل انا قلت راسب مية مية اللي معايا راحو اختبرو وكلهم تمام ناداني العسكري وقلي تعال سوق اقسم بالله انو نشمي وسقت وعديت هادي المرة تمام ونجحني الحمد لله. واسطات طبعا 
بعدها رحت اختبرت الاشارات ونجحت وراح استلم الرخصة الثلاثاء ان شاء الله.
تحيتي لجميع واتمنى مااكون ثقلت عليكم.
اللي عندو حكاية او شي يوم ماطلع الرخصة يزرفها هنا.  | 