نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ▓ عندما يقترب الخيــــــــال من الحقيقــــــة ▓

عبث طفلة · #37 21/06/2008, 09:05 PM

وعليكم السلام ورحمة الله وبركاته..
أول شئ الحمدلله على سلامتك أخوي عبدالله رغم إني مدري وش الطبخه بس كما أخبرني زملائي اللي ردوا قبلي إن لك فتره غايب ..

جئت هنا لأتنفس الصعداء بعد معاناة من الإختبارات الغثيثه وطول انتظار لكمبيوتري العزيز بعد أن قلعته للباكستاني حق التصليح ورجع لي بالأمس ملحطا خاليا من كل شئ لاعاده الله من فيروز

كما قال رسولنا صلى الله عليه وسلم((بورك لأمتي في بكورها))
وكما قال ربنا جل وعز في كتابه العزيز((وجعلنا الليل لباساً.وجعلنا النهار معاشا))ولكن ألحين انقلبت الآيه..

أما على طاري الشخير ذكرتني مره كنا مجتمعين حنا وخالاتي ورحنا لمزرعة خالي ومسكت معهم إلا بيمرحون رغم أنها لازالت تحت الإصلاح يعني بالعربي ماينام فيها بس عاد الشكوى لله المهم ماكان فيها إلا غرف صغيره وكنت جالسه في الخيمه برا ومنسجمه مع برنامج مادريت إلا معد فيه أحد جنبي كلهم هجوا يوم دخلت ولاكلن ماخذن مكانه وفاطس فحاولت إني ألفز نفسي بينهم مار أجلس بين بنت خالتي اللي طويلتن عصاقيلها وأخوي الصغير كانت فيه لحميه يعني يشاخرمع خشمه مع كثير من الإفرازات من فمه

المهم وأنا توني غافيه إلا وذيك الدحجه مار أقحص ولابنت خالتي رجفتني وسحبت شرشفي وأخوي من جنبي يشاخروكل شوي واحد قايم واحد بيروح يشرب مويه والثاني بينزل المكيف والثالث من شلح وسادتي لأننا ماكان فيه فرش راهيه

وهلم جرا ,قلت أقول وش اللي حادني أنوم فيذا مار أخذ مفرشي ووسادتي قلت والله لو أنوم فوق الخزان على الأقل براد يهفهف مو خياس وكتمه وحالة مزريه

أما على طاري الشخير عند زوجي إن كاني قفطته قبل لايتم الزواج بأقوله يرحم والديك دبر لك صرفه

وإن كانها تم الزواج وأنا مادريت بقول ياشين العجله

أعتقد والله أعلم من وجهة نظري الخاصه لو قدر الله وخذت لي واحد يشاخر_والله لايقوله_ انا بين أمرين:
الأول:إني أطلب الطلاق مثل ماقلت في قصتك السابقه وقد قرأت في جريدة الوطن إن لم يخب ظني أنه سبب في الطلاق وأنا أرى هذا استحاله خصوصا في ظل العيش في مجتمع كهذا ..!!
وإذا سألني أحد هووه وراك تطلقتي أقول والله زوجي يزن فوق راسي بشخيره ماخلاني أنوم في تالي ذا الليل >>سواليف هي

رغم أني أعلم أنه من الصعب الحكم على الشئ قبل معايشته ولكني أحسب ذلك وأعتقد أن كل شئ في الحياة تقدر تغيرها بعد الله إما لأفضل أو للأسوأ,وإن كانها وقفت على الشخير عز الله اللي ماجلست عند زوجي..
الثاني:إني أصبر والشخير أعتقد أنه ليس كاللبن المسكوب لايمكن تدراكه أعتقد أنه مرض قابل للعلاج جدا رغم أنها تتفاوت أصوات الشخير من شخص لآخر ربما هناك شخير هادئ وشخير كنه ماطور اعتقد أن الصنف الأخير أنه ملزوم بالعلاج لكن الأول ربما شئ طبيعي بالنسبه للرجال..ومثل مايقولون(أن تصلح المصباح خير لك من أتجلس تسب الظلام)

أما بالنسبة لي فهناك بديل علاج إني بقوله الله يعافيك اصبر لاتنام الين أغطس إذا غطيت في نومي معد علي منك على قولة أميمتي والله لو يجون يصقعون عندك مدفع ماقمتي>>مب كنها تبالغ شوي

فقشه../سمعت والله مدري هو صدق ولاخرطي إن المشاخير هم أكثر ذكاء من غيرهم>>ماهقيته والله

أسلوبك شيق ورده
حفظك المولى..