بسم الله الرحمن الرحيم
السلام عليكم << عشان تردون السلام كلكم


اليوم كنت جالس أطالع مدري أقرا مواضيع قسم الكرة العالمية
ومير وأشوف الماوس يتحرك << مير عشان تعرفون اني قصمنجي

واقول له وين رايح يابو
قال اصص والحين تشوف
قلت لايكون الجهاز مخترق الله يستر
قال مسوي كونداليزا رايس واذا اخترقو الجهاز وش صار
كل جهازك مافيه الا صور توتي ومورينيو
قلت والله انك صادز بهذي خلهم يخترقونه وش ورانا

قال لا امزح تراه محد اخترقه ..<< ترا اللي يسولف المؤشر حق الماوس

قلت أجل وين رايح يابو
قال الحين تشوف
قلت اركد لاتسوي شي يقعدون يصفطون اسمي بموضوع الموقوفين
وتفضحنا قدام الله وخلقه

قال انت شف وانت ساكت

والله ويروح لأيقونة انشاء موضوع جديد

قلت ياخوي صاحي انت

قال بدينا بالغلط

قلت لا سوري بس وش أكتب ماعندي شي

قال والله ان تكتب لو موضوع سياسي
أهم شي بتكتب يعني بتكتب

أنا يوم شفته معصب قلت لا خلاص أبكتب لا يسوي فيني بلا هالحين

قلت افرض اني أبعاند ومانب كاتب

قال وشوووو
والله لا أروح لقسم الروابط وأنزل موضوع أخليهم يوقفونك << تحسب لي اني علمت الأعضاء ان اللي ينزل موضوع بقسم الرابط يتوقف

المهم انا خرييييت
قلت خلاص افتحه أبكتب قصيده

قال صاحي انت

قلت بدينا بالغلط .. << وحده بوحده

قال لا سوري بس موضوع بالرياضه العالميه لازم يصير عن اليورو

قلت يالله براسك

بس قبل مانبدا خل أبقول لمشرفين هالقسم
أتمنى انكم تشيلون المواضيع المثبته عن دور المجموعات لقسم خاص بها
ترا المواضيع المثبته أكثر من الغير مثبته
صرتوا مثل قسم الجمهور الهلالي


<< تراك طولت علينا أنت وهالماوس
ابدا بالموضوع ولا اقلب وجهك << مدري وش علاقة هالأيقونه بس يالله مشوها


ناخذ فاصل قبل نبدا

------



هذا الظاهر صابغينه ببوية جدران
هذولا المضيفين الله يخلف
وش نقول بالضيوف

---------------
---------------

عدنا

بداية الموضوع
ودي أحلل مستويات الفرق الفرق اللي تأهلت << مسوي سامي أنا وخشتي

1- ألمانيا

فريق جيد بدنيا بالدفاع والوسط والهجوم

والوسط عنده لاعبين مميزين
لكن البلا بالهجوم مدري وش جايهم من تالي
كلوزه من أول لازم ينافس على الهدافين وعلى أكثر صناعة ألعاب
الحين لاذي ولا ذي الله يخلف
وللمعلومية
سجلو أربع أهداف الى الآن وكلهن سجلوهن لاعبين وسط (3 بودولسكي وواحد بالاك)

-----------------------

2- البرتغال

فريق مميز الصراحه
به ميزه محد لاحظها
لاعبين الوسط نفس الجسم ( قصار )
والدفاع (كلهم كبار أجسامهم)
والهجوم كلهم (طوال ومعصقلين )
بس سيماو هذا خاش عرض
بلعبه وجسمه .. هو كله مدري وش يبي
لو انه ماحط وشم بالعربي كان طردناه << يحجون
المهم البرتغال عنده لاعبين الوسط منتازين مره وهادي لعبهم وتمريراتهم حلوه
وأهم شي يلعبون بمخ
وعندهم كريستيانو رونالدو هاللاعب اللي ما أطيقه بس انه داهيه ( اذا كان بيومه)
أما الوسط أحس انهم للحين ماتفاهمو كارفالو وبيبي لكن كلهم مميزين
والحراسه ريكاردو ( دامه ماجاب العيد فهم بخير )

------------

3- كرواتيا

فريق جماعي
ميزته انه مافيه لاعب مميز بعينه
يعني المدرب اللي يلعب ضدهم يبلش مايدري منهو مفتاح اللعب
وان كان الأقرب هو مودريتش
لكن كل الفريق مميز
ويحسب له انه الفريق الوحيد اللي ماخسر لا بالتصفيات ولا بالنهائيات

----------

4-تركيا وآآآآه ياتركيا
رفعتوا روسنا
وان كان ودي تنهزمون عشان بعض الحلاقين ومعلمين الشاورما
لكن تبقى قلوبنا معكم
ياملحكم اذا لعبتو بروحكم المعهوده
والله مايردكم ابن ابوه
وعندكم هالدفاع هذا لو أشوفه بالتلفزيون أخاف شلون المهاجمين اللي عنده

----------

5-اسبانيا

عكس ألمانيا بالضبط
أجسامهم مش ولابد
لكن يتحركون مضبوط
ميزته انه فريق تكتيكي
يعني أهم خط فيه الوسط ( لعبهم مهب هجومي ولا دفاعي )
هالفريق هذا كله مايستروات ( تشافي ,سينا,فابريجاس , ألونسو )
بس مدري ليش مايفلحون بهالبطولات
من أزين حراس العالم
والدفاع بقيادة قلب الأسد
والوسط لو يلعب برديف الرديف ناري
والهجوم فيا وتوريس (مهابيل )
يعجبني فيهم تمريراتهم القصيره

----------------

6- ايطاليا

عاد الحين لحد يهرج

لا دفاع زي الناس ولا هجوم زي الناس
ومع كذا تأهلو
أبدع الآتزوري يوم لعب دي روسي هو المايسترو
لاعب خفيف وسريع .. دفاعيا مضبوط وهجوميا مضبوط .. تمريرات دقيقه وتسديدات ناريه
ويلوموننا بدي روسي
بيرلو مدري وش جايه هالبطوله مو مستواه بكاس العالم
لكن تبقى تمريراته الدقيقه مميزه
أنا مدري ليش المدرب() ماعمره جرب بوريللو مع ان توني ضيع الي شبع
والله يالمدرب مهناش
الصحافه هي اللي تحط التشكيله

----------------------

7-هولندا

فريق به ميزه تكفي عن كل الميزات
فريق سرييييع
الأجنحه سريعين
والوسط فيه سرعة تمرير خاصه بالهجمات المرتده
تلعب ركني لك ماتدري الا والهدف بمرماك
لكن المدرب اللي بيعرف لهم يثبت الأظهره ماتتقدم
اما دفاع هولندا أتوقع بيجيب العيد بدور الأربعه (نصف النهائي)
بس وراهم فان دير سار ولا كان علوم ( مثلهم مثل ايطاليا )

------------

وأخيرا روسيا

ما اتوقع روسيا ظهرت بالمستوى المطلوب بهالبطوله الا بآخر مباراة
هم تقريبا زي كرواتيا لعب جماعي
مع فارق الامكانيات
عموما ننتظر منهم مفاجأة أو خروج (متوقع) بربع النهائي

======
ناخذ فاصل بعد التحليل




يالله حسن الخاتمه
وتطالبون بعد بحضور النساء بالملاعب السعوديه
أخاف بكرا ألقى جدة فلان ولا علان مسويه كذا

==============

عدنا

الحين مدري وش أقول لكن الماوس يشور علي اني اكتب عن أعضاء هالقسم

لذلك عندي عدة ملاحظات

الأولى انهم منهبلين على شي اسمه بنات
لو ينزل واحد صورة لاعب أو مدرب أو مشجع
وبآآآآخر الصوره فيه طرف خشم بنيه
تلقا العضو فاتح أفمه قدام الشاشه ومطير عيونه << الصراحه احترت شلون اكتب افمه ( فيه ناس تقول افمه وناس تقول اثمه وناس تقول فمه )
ومركز على البنيه
حتى لو انها شينه بس ماصدقو على الله يشوفون بنات وانا معكم
وتلاحظون اني الى الحين بالصور ماجبت ولا بنت ( الا العجوز الله يخلف عليه )
لا وتلقى البنات من الأعضاء جايات سافطات الطبلون
الليتقول أنتم مشافيح يالسعوديين
واللي تقول ياملحك ياكاكا << عشان تقهر الأعضاء
واللي تقول من زين خششكم يالسعوديين تحلمون بهالبنات << ماشافو خشتي ولا كان غيرو كلامهم
واللي تقول أرجو من المشرفين تعديل الصوره << هذي واصله حده (واصله معها )


الملاحظه الثانيه
ان كل الأعضاء يجون هنا يدورون مواضيع يقرونهن
ومواضيع هالقسم والله حلوه
لكن مافيه أحد يكتب
ياخي انت ياللي جاي بتقرا مواضيع وتفلها
اكتب لك موضوع وخل الشباب يفلونها
أو على الأقل جب لك صور من البطوله وجماهيرها خل الأعضاء ينهبلون على المماليح
وهذي دعوه للجميع انهم ينشطون القسم ويكتبون مواضيع


الملاحظه الثالثه
تلقى واحد يقبس ويتهاوش مع عضو عشانه قال شي بمنتخبه
ياخي العضو اللي انت تهاوشت معه أبرك من منتخبك
أوكي كلنا نشجع منتخباتنا ونتعصب لهن
لكن مو معناته أتهاوش مع عضو عشانه
العضو أولا مسلم والأوروبيين يهود << كيفي لحد يجي يقول نصارى
وثانيا العضو تسولف معه وتشوفه وتتناقشون
أما هالأوروبيين والله مانشدو عنك ولا عن تشجيعك


==============
ناخذ فاصل




وش أقول بس
مابقى الا اللسان ماصبغه هالهولندي << مقهور بعد الثلاثه على ايطاليا
أحس انه رافع رجله لآخر شي << لأنه مطلع لسانه (موضوع توني وزامبروتا )

======
عدنا

أقول يالأعضاء بالنسبة لمسابقة التوقعات
والله اني داج الضحى
أتمنى من القائمين على المسابقه اعلان نتائج الأدوار الأولى عشان نعرف هل فيه أمل ننافس ولا مانتعب أنفسنا

أنا حظي بهالمسابقه كل يوم أردى
والله أول يوم بالبطولة كل المباراتين صح علي نتايجهن
وثاني يوم مباراة واحده صح
وبعدها ولا مباراة
قبل أمس كنت متوقع فرنسا تفوز 2-1 ( بس فازت ايطاليا 2-0 )
يعني اندمر الحظ
وأمس خلاص وصل حظي أردى مستوياته
كنت متوقع تفوز السويد 2-0 وانهزمت 2-0
يعني خلاص ما أظن فيه أردى من هالحظ
لذلك انا مأمل أن حظي بالمرحلة القادمة بيرجع زين تدريجيا
اللي قاهرني روسيا ماسوت شي بالبطوله والسويد هي اللي مشعلله
ويوم توقعت يفوزون انقلبت الأحوال
بالتوفيق للجميع بالمسابقه

-----
عندي ملاحظه قاهرتني بهالبطوله

صور الجمهور قليله مره
بكاس العالم كنا نشوف جماهير الدنيا
وقنوات مخصصه للجمهور
أما الحين مانشوف أبد الا لقطه لقطتين
وبوجهة نظري ان هذا من أسباب شفاحة الأعضاء على البنات

------

بعد الثناءات المتكررة التي يجدها سامي من فينجر ومن المعلقين والمذيعين بالجزيره

جماهير وأعضاء شرف النصر تتصل بحمود السلوه لطلب انه يثني على ماجد بالتحليل للدوري السعودي القادم

========
فاصل



ياخطير يا ايطالي
هالمنتخب الايطالي كل شي فيهم زين
<< ومازال رساوي يحجب صور البنيات عن الأعضاء

------
فاصل ثاني




افا يا حماده
تشجع سويسرا من ورانا

============

الى هنا انتهى القسم المخصص بالأعضاء كلهم
والقسم الجاي من الموضوع خاص بالذكور من الأعضاء
لأنه يمكن يصير به لقيط
والبنات مايطيقن هالحركات

----
خبر (نصف ) عاجل

اللاعب النرويجي ولاعب ليفر بول ريزا (الظهير الأيسر)


الى روما
ملاحظه : الصفقة تمت نقلا عن موقع روما

==========
فاصل << طولت بين الفواصل



لاتعليق

------------



وماتبغون فرنسا تنرقع أربعه
أحس ان البنت فرنسيه
لأنها واحده وحولها أربعه من هالشهبان
يعني أربع أهداف هولنديه وهدف فرنسي
أقول والله يا هالهدف يسوى أهداف هولندا كلها
-----------------------------
الظاهر بنكمل الموضوع صور الا اذا طرا موضوع



وأنا أبحث بالصور لقيت هالصوره
صدقتها بس ماصدقتها
اللي يدري وش سالفتها يقول لنا



نمساويين بعد الخسارة من المانيا
----------------------
-----------------------
وختام الموضوع

أبحط لجماهير كل منتخب كم صوره

نبدا بهولندا




مدري شلون اللاعبين مبدعين وهذا جمهورهم
=========================================

والمنتخب الثاني ايطاليا




يدخن الديتس


العقل نعمه

واحتراما لمشاعر الأعضاء ماراح نكثر من صور ايطاليا
=====================================

ثالث منتخب اسبانيا

مهب بويول اللي يسار؟




هذا يقول لها شوفي رساوي يصورنا
===========================================

رابع المنتخبات ألمانيا





سلامات ياشباب
==================================

منتخب البرتغال




ياحركتات أنتم


وش نقول بس

ياسلام عالجمهور ياناس
============================

منتخب كرواتيا





==========================

منتخب تركيا




شكل هالصوره على وقت الهدف الثاني للتشيك

============================

منتخب روسيا


هذا همكم







==================

-------

واللي يبغون صور رمزيه للمسنجر
ايطاليا


اسبانيا


=================
عندي ملاحظه أخيره

ماتلاحظون أن أمم أوروبا أكثر حماس من أمم أفريقيا

ماتدرون ليش ؟؟؟

أنا اللي أدري

شفتو صور جمهور أوروبا ؟
طيب شوفو صور جمهور أفريقيا





هاه وش رايكم
عرفتو السبب الحين

<< حتى لون الخط قلب أسود والله بدون أعدله D:


وبكذا نكون وصلنا لنهاية قصتنا أنا والماوس
وأخيرا قررت أكتب موضوع

يالله أببدا

----
بسم الله الرحمن الرحيم
موضوعي اليوم <<< أقول وراه ما تضف وجهك لا تنجلد


يالله خلاص موضوعي انتهى

وآسف جدا جدا جدا على الاطالة
أرجو انه يكون نال اعجابكم

وان شاء الله اذا خلصت من اختباريني لي عوده وبنلتقي بمواضيع ثانيه


مراسلكم
رساوي برساوي









-------