| يارجال اقسم بالله انا صار لي موقف لايحسد عليه في نيوزيلندا ههههههههههههههههههههههه دلاخة غير طبيعية .
السالفة يالربع اني كنت ساكن عند عجوز فالمهم خويكم في الله تارس شنطته حليب بوني وأبو قوس سائل ومع ليبتون خيط وااااووو وخبز توست مع جبن شرائح في الميكرووف على كيف كيف كيفك يصيررر المهم يالربع وارجع هذاك اليوم من المدرسة ونا في الباص افكر في الحليب مع الشاهي وسكر زيادة ول ول عالم ثاني وطول الطريق افكررر فيه ومستانس وادخل للبيت سلمكم الله وانزل الملابس والشنطة والعجوز غريبة ماكانت في البيت واروح للمطبخ طبعا الفرن حقها كهربائي يعني اذا بغيت تفور المووية فيه مثل البراد(الكفتيره) له قاعدة مجرد انك تضع القاعدة على الكهرب فوق الفرن وتحط البراد فوق القاعدة يسخن الماء <<<< عندهـ صعوبة في الشرح اعذروه بس ان شاء الله فهمتوا .
فالمهم يالربع ونا اول مره بصراحة اسوي شاهي حليب عندها واطب المطبخ واحط البراد مباشرة على الكهرب حق الفرن والقاعدة حقته حاطها على جنب احسبها شاحن ههههههههههههههههههههههههههه للبراد . المهم واروح الغرفة واصلي العشاء وافتح باب غرفتي احصل البيت كل امه دخان وبيت العجوز كان صغيري دور واحد على ثلاث غرف وانترس كله دخان لان البراد بلاستيك فانحرق كله من الفرن ويذوب البلاستيك كله على الفرع وتعرفون ريحة البلاستيك وهو محروق والله وتجيك أم الركب اذا تعرفونها هههههههههههه من الخوف ماقدرت اسوي شي قلت هالحين تصفر الدنيا ويجيك المطافي وأدفع هالمبلغ تأمين للعجوز والله وراحت علومك ياولد وكنت أبي اتصل عليها واقولها البيت انحرق بس خفت تجيها سكة قلبية او شي قلت ياولد لعبتك وخبرتك في الملاعب الدولية هههههه واروح لم الدرايش كلها وافتحها وافتح باب الشارع واطير بالدخان واطير واطير وانظف الفرن وياحلاوة الله انقذني واختفى الدخان كله بشكل غريب والله عقب ماكان تارس البيت بشكل غير طبيعي المهم وامسك عطري نوعه جفنشي << ماحد شاف شي لووول ، واخلصه على البيت واعطر البيت ويشهد الله مامدى الريحة تروح الا والعجوز فاتحه الباب والمنشفة على كتفي والعطر بيدي هههههههههههههههههههه اوووه هوني << عزيزي بالانجليزي ، جلست تشكرني تحسبني انظف البيت لها وماحست بشي ابد ومحسوبكم بالع العافية وابي اقولها ومتردد قلت يارجال مصيرها تعرف الصباح وارقد واقوم الصبح الا والعجوز عقب ماكانت تسخن الموية في بردا كهربائي صارت تستخدم قدر طبخ ههههههههههههههههه وصارحتها بالحقيقة حقيقة ان البراد احترق مو حقيقة ان البيت بكبره كان بيحترق ههههه ووعدتها اشتري لها واحد جديد واستانست وفرحت لانها كانت مستحية مني وتقدرني حيل ماودها تكلمني في الموضوع وتوديني بعد كم يوم لمحل اشتريناهـ بنص السعر وكسرت قاعدة النظام الامريكي كل واحد يدفع لنفسه ودفعت لها في برجر كنج لوووووووول وانتهت هالقضية بسلام والحمدلله | 