إقتباس الرسالة الأصلية كتبت بواسطة زعيم..والله زعيم يا عزيزي الرجال ما طلع في الاعلام الا بينه وبين الهلال باقي مستحقات او حاجة الله العالم بها الزبده ان موضوعهم عند المحكمة يعني لا راح نحل ولا راح نربط شي يعني فرضاً (خلني اعطي المقاطعين على جوهم شوي) مقاطعي الاتصالات والاي ار تي : لو قاطعنا الاتصالات السعودية طبعا انا قلت في رد سابق ان اغلب الي يطلعون ويقولون مقاطعة وتكسير شرايح ومدري ايش خرطي في خرطي مجرد اثارة فتنة والهاء للجمهور عن النادي وتشويه سمعة المنتدى حسبي الله على المندسين فرضا لو قاطع 100000 مئة الف مشجع هلالي للاتصالات ظنكم الـ 10000000 العشرة مليون هذولي مب مكسبينهم ابد ؟؟ طبعا لان عدد مشتركي الجوال 11000000 مشترك (احسب الهاتف والنت الاشياء الباقية) يعني بالعربي بيتأثرون بالمقاطعة هذي الي بالغت فيها انا وقلت مئة الف ومناك تلقاهم عشره بس والباقين يهايطون بيتأثرون ومساهمينهم اصحاب سمو ملكي وتجار بمعنى الكلمة (يعني يمش خشمه بالخمسمية عادي عنده ) روقونا يا زعماء وكبروا عقولكم تعبت وانا اتكلم نلتفت لمصلحة نادينا ونقدم الافكار الي تفيد الفريق ونقترح اسماء لاعبين محليين واجانب ونشارك بفعاليه ونخلي منتدانا الافضل على المستوى العربي ليش لا ؟؟؟؟ مب فريقنا افضل فرق اسيا بلا منازع ؟؟ صح ولا لا ؟؟ ارجو اخذ رأيي والتفكير به ملياً ,,,,,,,,,, من دون تعصب ملاحظة :الي يدري انه إمعة رجاء خاص لا يرد تحياتي

والله اخوي لو يقاطعون 100000مائة الف شخص بمتوسط فاتورة 300 ريال شهريا بتكون الخسارة 30 مليون شهريا ... يعني 360 مليون سنويا ... ولو افترضنا مقاطعة 300 الف شخص (وهذا الرقم وصل له جوال الهلال مع الاتصالات سابقا) بتكون الخسارة اكثر من مليار سنويا يعني بالعربي شركة الاتصالات تلعب بالنار.

اما من ناحية الاسعار فموبايلي ارخص بسعر الدقيقه بما يقارب 30% واكثر من 50% في باقة مدى... وكان لي موضوع سابق للمقارنة بين باقة خطي بلس وجوال 45

إقتباس ملاحظه: تم اختيار ارخص وافضل باقتين في الشركتين للمقارنه بينهما. 1_موبايلي: خطي بلس سعر الدقيقه 30 هلله لجميع الشبكات وتستطيع اختيار 5 ارقام موبايلي بسعر 20 هلله فقط. 2-الاتصالات: جوال 45 سعر الدقيقه 30 هلله للاتصالات و 45 هلله لموبايلي (هذا السعر اغلى من موبايلي ب 50% حيت ان السعر في موبايلي 30 هلله لجميع الشبكات) الرسوم الشهريه : 1-موبايلي 40 ريال لخطي بلس. 2- الاتصالات 45 ريال لجوال 45. كم مقدار التوفير: 1_اذا كان لديك جوال من الاتصالات وقمت بالاتصال على جوال موبايلي فانت تحصل على 37 ساعه بقيمة الف ريال. 2_اذا كان لديك جوال من موبايلي وقمت بالاتصال على جوال الاتصالات فانت تحصل على 55 ساعه ونصف الساعه بقيمة الف ريال. الفرق هو 18 ساعه ونصف الساعه لصالح موبايلي في الالف ريال... اعرف ان البعض سوف يفاجأ بهذي المقارنه ولكن اقول كل ماعليك هو ان تمسك الاله الحاسبه وتحسبها مع العلم ان باقة مدى الجديده الان تعتبر ارخص وافضل باقه في موبايلي .( وسوف اكتب عنها باذن الله موضوع مستقل واقارن اسعارها باسعار الاتصالات.