والله اخوي انا مليت وانا اتكلم واناقش في هالموضوع

وقريت بعض الردود واغلب الي ردوا تحججوا بحجج واهية

يعني انا اشوف ان الصبات صحيح مو مريحه ابداً

لكن شفنا جماهير بعض الفرق بدون ذكر اسماء تملأ الملعب

اجل مباراة المركز الثالث والرابع بين الهلال والحزم -- مباراة مهمة صح ولا لا؟

وغير كذا وداعية تفاريس فيها وماخذ الكابتنية بعد

ورغم كذا ما فيه جمهور -- صحيح فيه ناس حضروا (وانا من ضمنهم)

لكن حضور يفشل فعلاً

طبعا ملعب الملز كلنا عارفين انه في وسط الرياض وفيه مواقف ممتازة يعني ما احد له عذر

يعني مباراة بنودع فيها لاعب خدمنا ما يقارب الخمس سنوات خدمة انا اعتبرها عظيمة جدا

وغير كذا اهمية المباراة يعني الحزم صعبة يفوز عليك وانت بطل الدوري والكأس

لازم المؤازرة والحضور-- لكن للاسف --- ما شفنا الا تقريبا 200 مشجع

هذا إما كان أقل بعد !!!!

وبالنسبة لاستاد الملك فهد والي يقول بعيد وبعيد

انا ساكن جنوب الرياض (لاحظوا البعد بس)

وحضرت تقريبا نصف مبارايات الهلال فيه

رغم اني موظف وشغلي يهد الحيل بقوه

وشايب ما انوم الظهر

طبعا انا مستثني النهائيات في النصف هذا لانه طبيعي احضرها

المشكلة اننا نسمي انفسنا الرقم الصعب

ومع ذلك اذا شفت المدرجات شبه خاليه

اسمي جمهورنا وبدون زعل تكفون :

(جمهور الحضور الصعب)

اعذروني على المسمى

لكن وربي ما طلع الا من الحرقة الي بداخلي

اعظم فرق اسيا وكذا جمهوره ما يحضر الا بالطقاق

مباراة الشباب في كاس ولي العهد ذهاب واياب

تسمونه حضور بالله عليكم وهي مباراة مصيرية بكل ما تعنيه الكلمة من معنى

وغير كذا قدام فريق يطاردك في سلم ترتيب الدوري وفريق قوي ويلعب كرة جماعية ممتعة ومخادعة لاي دفاع ؟

لازم نراجع انفسنا يا زعماء ليس لأي شئ وإنما .......................


من أجل الــــــــــــزعـــــــيـــم فقط لا غير

بالنسبة لترقيم الكراسي وتطوير الملاعب>>>> إذا حجت البقرة على قرونها

تقبلوا تحياتي