الله حيه ..

انا بعلق على موضوع الاسعار ..

انا آخر تحديث لاسعار المكالمات عندي .. كان في (( 13 ابريل 2008 ))

من سوا لاي شبكه (( 55 هلله )) يعني للجوال او موبايلي او الهاتف الثابت نفس التعرفه

ومن موبايلي (( باقة حلا )) (( 55 هلله للدقيقه )) لاي شبكه

اللي تفرق بالرسائل 35 هلله للرساله من الجوال لموبايلي .. ومن موبايلي الى الجوال 25 هلله للرساله ..

هذي نقطه ..

النقطه الثانيه .. الحمد لله انا ما قد اتصلت على موبايلي خدمة العملاء الا مره وحده .. وحتى ما كان الشغل لي ..

وكان فترة العصر .. وانتظرت والله الذي لا اله الا هو .. اكثر من 20 دقيقه وانا على الخط .. طبعا الكلام هذا من 3 شهور ..

ايضا اذا كانوا تطوروا بعدي الله اعلم ..

إقتباس الرسالة الأصلية كتبت بواسطة ابو ديم الهلالي ماذكرت من ناحية عدم وجود الخصوصية وبإستطاعة موظف أن يعطيك كل المعلومات عن أي خط في الاتصالات السعودية فحدث ولا حرج مع الأسف .. فهذه الجزئية تشكل مصدر قلق واحراج لأي مشترك .. فأي شخص بإمكانه الحصول على كل المعلومات عن هاتفك بمجرد فزعة من أحد موظفي الاتصالات السعودية ..

يعني الشي هذا موب موجود في موبايلي .. ؟؟!!

إقتباس الرسالة الأصلية كتبت بواسطة JgSuiiiS مميزات موبايلي اقدمها باختصار : 3) الخصوصية اي رقم جوال تستطيع ان تعرف اسم صاحبه من اي موظف بالاتصالات بل انه بالامكان ان تعرف جميع ارقامه المسجله لديهم بعكس موبايلي التي تحافظ على خصوصية العميل

عطني رقم موبايلي .. وبظرف 15 دقيقه اذا ماجبت اسمه ورقم هويته وتاريخ ميلاده والارقام اللي بأسمه ..
بحق ..

انا شخصيا وبمعرفه شخصيه لاحد موظفي موبايلي خدمة العملاء .. قفلت خط مسبق الدفع .. لان صاحب الخط للاسف كان مثلك .. يعقد انه اذا طلع الخط من موبايلي معناه انه بحماية الامم المتحده ..

كلهم موظفين سعوديين .. ومن نفس البيئه .. يعني نفس الاطباع ..



رجاءا .. رجاءا .. رجاء .. مافيه داعي لان تعلق على شي انت ما عندك علم عنه او بالعربي الفصيح (( لا تهذي بما لا تدري ))


للمعلوميه .. انا موظف بشركة الانفصالات ..
هذا اللي بغيت اضيفه .. وبالتوفيق للجميع