14/06/2008, 02:40 AM
|
| كاتب ساخر بالمجلس العام | | تاريخ التسجيل: 21/08/2005 المكان: حيث يعيش الشلولخ
مشاركات: 6,845
| |
رائع جدا حضورك .. أهنيك على شعورك وإحساسك بمعاناة الاخرين ..
الله يسعدك يارب
اليوم .. والموقف معي وكنت مع واحد بالسياره رايحين ( نجري ) وإلا حرمة كبيرة بالسن عند ( زبالة ) عزكم الله .. تدور وتحوس بين هالوصاخة .. رحنا لها .. وإلا حرمة صوتها يكسر الخاطر وسلمنا عليها : وش عندك ياخاله ؟؟ ومدينا المقسوم .. اخذته وهي تدعي ..
قلت لك بيت ؟؟ عندك عيال.. لك رقم .. جوال .. قالت والله ماعندي .. نزلت من السيارة .. وكلمتها .. وش محتاجه ؟؟ قالت أي شي .. أكل .. شرب .. ملابس .. بس لاتصير ملابس أطفال ترى ماعندي اطفال .. قلت طيب لاسهل الله شي والا توفر معنا شي وين نلقاك فيه ؟؟ قالت تلقوني هنا ؟؟ يعني عند الزبالة وتأشر عند الرصيف تقول اجلس هنا .. يااااااااا ألله !! معقولة انا في السعوديه !! الحرمة لهجتها من منطقة مشهورة بالكرم !! والله ثم والله انها تحدثنا وهي مستحيه ... ومتستره .. حتى لابسه قفازات سوداء بيدينها ...
قالت تلقوني كل يوم في هالمكان بعد صلاة العشاء .. كل يوم .. إلا لاصرت مريضه ؟؟
قلت ان شاء الله مالك إلا طيبة الخاطر .. طيب تبين شي الحين .. نوديك .. نشتريلك شي ؟؟ قالت ابد ياولدي سلامتك .. بس ليتك تشيل هالكرتون وتحطه بالعربيه لانه ثقيل علي ( عربيه أطفال ) قلت سمي .. رحت اشيل الكرتون وتتوقعون وش فيه ؟؟؟  والله العظيم انها كسر ( خبز صامولي )
أكذب عليكم لو قلت اني مابكيت .. والله بتسيت ..وحمدت ربي وشكرته على النعمه .. ودعيت لها ولكل محتاج
اللى وده يعتبر .. ويبي الأجر اعطيه عنوان الشارع .. وال( زباله ) اللى تقعد فيها يوميا هالعجوز تدور لقمة لعيالها ؟!!
والعنوان :
الربوة == طريق النهظه = بعد مركز الأمير سلمان للكلى .. وانت رايح لطريق خريص ومركز الأمير سلمان يمينك .. اول لفه لا .. ثاني لفة فيه زبالة كبيرة .. عند ارض فاضيه .. العجوز تقعد هناك ..
الحرمة تقبل كل شي .. الأكل .. والملابس ..
اختي موضوعك جاء بوقت شفت هالموقف وكتبه ..
اعتذر لو شطحت عن الموضوع .. وطولت
اخوك الصغير ابو طلال   |
