نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

نمر اسيا 15 · #9 08/06/2008, 04:21 AM

السلام عليكم ..

كيف الحال انشاء الله كويسين ..؟؟ كيفكم مع الامتحانات .. انشاء الله ترسبون كلكم ..

.. والله زمان عن المواضيع اللي فيها نقاش كثير وطويل وبعضه غريب ..

بالنسبه لراعي الموضوع .. واللي جاء في موضوعه ماهو جديد ..

من ايام صفوق التمياط والبنات يناظرون الهلال عشانه .. مع العلم ان يوسف الثنيان وقتها موجود ..

.. وهذا شي عادي في حياة الناس .. وشلون عندنا حنا يالسعوديين ..

..

ابتكلم شوي وابطول بالحكي .. << خذ راحتك ..

والله ياشباب ويابنات .. انا ماعمري شفت ولاتابعت برنامج ستار اكاديمي ..

لاكن اللي سمعت عنه اغلب اللي يشوفونه .. اذا هم عيال عشان البنات الحلوات ..
والعكس صحيح .. مع الاسف عندنا في السعوديه .. لو يطلع سواقنا نعيم

في ستار اكاديمي انهبلوا عليه البنات .. وشغالتنا ميري

انهبلوا عليها العيال ..

حنا من صغرنا وحنا متربين على هالشي .. ان البنت مخلوقه غريبه عننا مالها دور في الحياه الا المتعه في الزواج .. هذا مع الاسف اللي وصلنا للمرحله هذي ..

صرنا في عزله تامه عن البنات وهم نفس الشي .. وهذا انعكس علينا سلبا مو ايجابا ..

تخيل واحد يروح السوق طول الوقت وهو يناظر بالبنات .. والبنات يناظرون العيال ..

لانهم محرومين من بعض .. فوق ان بعض البنات تحاول بطريقه او ثانيه انها تفتن الولد والعكس صحيح ..

هذي ثقافتنا يالسعوديين مع الاسف .. وانشاء الله تتغير الامور للاحسن ..

و أول الحلول .. التوعيه عن طريق الاعلام .. بمخاطر هالاشياء .. واول الحلول ان الاب يشجع ابنه على الزواج المبكر .. الحين لو واحد بيتزوج وسألوا كم عمره قالوا 25 قالوا ايه توهـ بزر

.. والبنت لو يسألون كم عمرها 20 قالوا توها بزرهـ ..

شي يرفع الظغظ ..

ياخي البنت والولد رغبتهم في بعض هذا شي من الفطرهـ .. ماهو عيب او حرام ..

لاكن حنا ماعرفنا نتعامل مع هالشي ..

عارف اني طلعت برى الموضوع كثير .. بس يعني ابتفلسف شوي ..

..

وبالنسبه للنكات اللي يقولون عاشقه كاكا وعاشقه بيكهام ومدري مين .. ذولي يمكن عندهم ذوق .. بس وش رايك بـ البندري مجنونه مشعل الموري ..

كيف الموري ,, الله لايبلانا في بعض الاذواق ..

والواحد دايم اذا تكلم لازم يكون حيادي .. يعني مو كل شي ع البنات .. البنات لو لاقين وجيه زينه بعد مادرو عن بيكهام ولا غيره بس الشكوى لله .. شهب لهب وشيف ماعندك احد ..

شوفوا مثلا مسلسل الحياله .. اللي اعرفه ان البنات يشوفونه عشان بوشهري ..<< عليك اسم بعد

.. المشكله انه شين ..

لاكن انا ناظرته عشان عيد بن شاكر .. رجل حبيب ولطيف وزاحف

..

عموما انا طولت عليكم .. ولنا رجعه مره ثانيه للموضوع ..

قفله بس معليش طولت ..

إقتباس

الرسالة الأصلية كتبت بواسطة كرستيانو@


	اية واللة بذات بنات الرياض انا قبل اسبوعين واكثر مدري بالضبط كنت في الرياض عندي شغلة يوم خلصتها قلت لولد خالي هو من الرياض ودني هاذيك العمارتين الطوال الي نشوفها في التلفزيون قلت خلني ادخلها والمهم رحنا هناك ودخلنا وتمشينا ويوم خلصنا قال خلنا نروح نشرب قهوة في احد المحلات القريبة ويوم رحنا الا وهاذيك البنت المزيزنة امزح والة انها شبهة تناضرنا المهم جلسنا وتقهوينا وهي رايحة جاية عشاني واللة اني اطخم وما دريت وهي تجي وتعطيني الرقم يوم طلعت وانا اختبصت مدري وش اقول مدري وش جاني وانا اخذة وانا فاتح فمي والمهم وانا اعطي الرقم ولد خالي وهو ياخذة ويحطها في جيبة الورقة ويوم رحنا السيارة وهو يطلع الورقة مكتوب فيها رقمها واسمها وهو ياخذ الورقة ويشققها ويحذفها واللة ان قلبي تقطع مع الورقة . انتهت القصة . فا ابي اقول ليش قلة الحيا هاذي انا الي اعرفة ان الرجال هو الي يلحق البنت اما البنت تلحق الرجال هاذي واللة الي ما صارت بس صارت معي عشاني مزيون

يقربلك الارنب الجائع ..

والله من النصب بعد ..

تحياتي ..