الله يحييكم جميعا يالربع

حلوووه عطر اجل يحطونك عند اقرب ناس عيالهم راسبين ههههههههههههه ذكرتيني بطفولتي ياشيخه ..
وعلى طاري الصين صاير لي موووووقف ارهابي معاها هههههههه في مطار هونغ كونغ طبعا تعتبر هونغ كونغ داخل الصين يعني اللهجة عندهم صينية تقريبا .
المهم في مره من المرات ونا راجع من نيوزيلندا طبعا الترانزيت يكون في مطار هونغ كونغ المهم طلعت من مطار أوكلاند والاخلاق أتش أتش أحمر هههههه ضيعت بطاقة الصراف حقتي ودراهمي كلها داخل البطاقة لدرجة ان مخباتي مافيها دولار واحد فالمهم انا كانت ماخذتني الفرحة بالرجوع للوطن وزيارة الاهل فقلت يارجال ماراح تحتاج دراهم مش حالك وكنت مستعجل لان صاحبة البيت موصلتني للمطار مع خواتها وكلهم عجايز وكانت لي معزة كبيرة عندهم وماحبيت أعطلهم واروح البنك وغيره مع العلم اني مادريت ان بطاقتي ماضاعت الا نفس يوم سفريتي السالفة ونا خوكم قلت ماراح احتاج للدراهم خلاص مالها داعي الطويلة كلها كم ساعة هونغ كونغ وبوصل للديرة وبستحمل ،، فدخلت مطار اوكلاند ومادريت الا الربع صايديني يبووو الشباب لابد انك تدفع 25 $ نيوزيلندي وش الهرجة وليه العادة مأدفع شي قالي هذا النظام وخويكم وجهه صار مستقيم من الاحراج يابن الحلال يمين يسار مافيه نظام عيال اللذين كفروا مافيه يمين يسار ،، المهم وكنت أبرجع للبنك بسحب بنفسي نقدي رفضت العجوز ودفعتها وحلفت اني مطلع من نيوزيلندا الا وهي معطيتني رقم الحساب وخذيته منها عشان ارد لها دراهمها ، وبعدها رحت أبي ادخل الشناط حقتي وقالت لي المضيفة ياطويل العمر عندك خمسة كيلو زيادة قلت لها كم ؟؟؟ والاخلاق كانت تحت الجزمة ونتم بكرامة ،، قالت خمسة دولار زيادة يعني لازم تدفع تقريبا حول الثمانين دولار ،، قلت لها بالانجليزي <<<< قوي ،،، لابوك لابووو اللي جاء لشركتكم هذي خطوط الطيران ياكثرها ونا ماطبيت الا عليكم وجلست ألعن في شركتهم من القهر وهي بالعتها وراسها يابس وللحين ملزمة على الخمسة كيلو في الاخير فتحت شنطتي وخذيت كم كتاب انجليزي بيدي وراحت الخمسة كيلو وتوكلنا على الله ،،، وللحين الاخلاق سيئة جدا .

وصلت لهونغ كونغ الصينية اسميها وهنا زبدة السالفة وكان عندي فندق وأشوفلك في مطار هونغ كونغ سعودي ضايع ههههههههههههههههههههههههههههه ايوالله يالربع يازين ملامح ربعنا وهم ضايعين وصلته لمخرجه كان يبي يروح هونغ كونغ عقب ماكان بيروح لطيارة توصل للهند اعتقد والله مذكر .
المهم خوينا راح وجاء دوري اروح عند موظف الاستقبال تبع شركة الطيران ،، ياحبيبي عندي فندق ونا كلي ثقة ،، رد علي لازم انك تدفع قيمة التاكسي اللي بيوصلك للفندق وهو خمسين دولار هونغ كونغ ،، كانت الاخلاق تحت النعلة ونتم بكرامة بعد كلامه حسيت ان اخلاقي خذت لفة على جسمي من تحت لفوق ووقفت عند خشمي وأمسكه استلاااام وأستلام الصيني قام من كرسيه يبي يقلبها مضاربة قلت والله ياشيخ لو انك جاكشان بنفسه منازلك منازلك اليوم ابي اي شخص افك حرتي فيه هالحين يابن اللذينا وراء ماتكلمتوا من قبل انه لازم تجيب وياك دراهم للتاكسي وهواش،، وفارعونا الناس ورحت على أقرب كرسي وانسدحت فيه وكنت مفكر ان السالفة كم ساعة فقط طلعت الساعة قرب العشرين ساعة انتظار في المطار ،، ونا منسدح على هذاك الكرسي وكل ماجاء وقت صلاة قمت وصليت على الكرسي والعالم تطالعني وكل ماحسيت بوقت صلاة قمت وصليت على الكرسي والعالم تطالعني في الاخير واحد استرالي قفلت معاهـ وجاء يسألني تبي طوارئ ؟؟؟
الخلاصة يالربع اني في الاخير وقبل اربع ساعات على اقلاع الطائرة للسعودية قابلت مواطن سعودي يدرس في الصين مرسم بالكوبرة وهذاك الثوب وخويكم في الله من شدة الجووع ماصغرت بطنه لا حتى وجهه صار صغير ههههههه المهم ويجلس جنبي الرجال ويرسله الله لي وكان معاه كراوسن جبن وكوكا زايدة وحلف اني اخذها وطبعا بعد حركات نص كم ويارجال بطني مليانه خذيتها هههههههه فيقولي الصين بلد رخيص بشكل تاخذ شقة كاملة بروحك بمبلغ سبع مية ريال تقريبا وغير الانترنت عندهم يقولي احمل الفلم ابو سبع مية ميغا بعشرين دقيقة شلون مدري ؟؟

واسف على الاطالة يالربع وخلاصة السالفة كنت فاضي وابي ادقها سواليف وابي اقول هالكلمتين للاخت عن الصين ههههههههههههههههه تحياتي

وحياكم الله اخوووي ابو زيد
واخووي موستوفوي