هلا اخوي ..
عندما وقعت في الحب انت ووجهك ..
وجايب لي قصة مدري وش تبي ..
ووجهك قوي توعدنا بخاطرة ..

تدري وش انا حاس ..
احس انك بتقول زي كذا :

انا مرة قريت خاطرة لواحد عن الفراق ..
والخاطرة كانت مرة مؤثرة .. وحلوة .. وكلماتها مرة جميلة ..
بصراحة تمنيت انكم قريتوها معي ..
والله كنتوا راح تتأثرون ..

عاد جاملوني ..
عاد هذي اول خاطرة لي بالمنتدى ..

اللي فاقع مرارتي انك تقول جاملوني ..
وش اجاملك الله يرجك .. وش اقول ..
اذا ضحكت وانا اقرأ الموضوع ..
تراني ضحكت عليك .. مو منك ..

اخوي ..
اتمنى انك مرة ثانية تعلمنا وش قالوا .. والا ما يحتاج بعض السوالف اللي تفك الواحد على وجهه وهو يقرأ ..

انا اللي ذبحني وفقع مرارتي .. وجاب لي الضغط والسكر ..
هو اني داخل مع هالصبح .. مروق .. ومصحصح ..
وشيكت على مشاركات المشاغب الله يسامحه ..
واحصل اول ثلاثة سطور ضحك ..
قلت عز الله اللي ما يفوتني هالموضوع ..
حتى اني جالس اضحك والصفحة ما بعد فتحت ..
وبغت تجيني جلطة يوم قريت الموضوع .. الللي يسبب انحطاط في الذوق العام ..

يعني حتى سلطان ..
اللي كان مزاجه بالمواضيع ممتاز ..
غسلت يدي منه بعد ما انبسط من هالموضوع ..
سلطان ..
معك 24 ساعة .. ترسل لي ثلاث رسائل
رسالة فورية على المسن .. ورسالة نصية على جوالي .. ورسالة خاصة لي هنا بالمنتدى
تعتذر فيها عن الضحك في هالموضوع ..
وتبدي ندمك الشديد على ما بدر منك ..
وتتعهد بتعهد خطي انك ما عاد تكررها .. وانك راح تقضي 45 ساعة في خدمة المجتمع .. مقابل ضحكك هذا اللي بدون سبب مقنع ..

والا ..
راح اكمل غسيل يدي منك .. وراح تطيح من عيني ..

اخوي صلبوخ ورده ..
انا ما كتبت اللي كتبته الا من كثر الحماس اللي كان فيني وانا جاي للموضوع ..
والحمدلله اللي ما جاتني جلطة بعد ما خلصت القراءة ..
صدقني يا صاح ..
الدعوى مهيب شخصية ابدا ..
بالعكس مرحبا بك مليون في المجلس ..
بس مو كذا عاد ..
حبيب قلبي انت ..
<<< تراني ما اوزع القلوب بالساهل .. فاحتفظ بهالقلب يا بعدي ..
<<< مو توك تقول ما توزعها بالساهل ..