.
.
في هذه الدائره .. نسلط الضوء على عضو كبير في كل شئ حتى الوزن 
ومما جعلنا نختاره هو اخلاقه العاليه مع زملائه و ردوده الكبيره و الجميله وحضوره الدائم و المستمر و دعمه الكبير و اللامحدود لمنتدى العالميه إنه العضو الرائع و الكبير / هلالي الجنوب إليكم :
السلام عليكم وعليكم السلام يشرفني أكون ضيف .. 
س: من هو هلالـــ الجنوب ـــي؟ نبذه بسيطه عن نفسك ؟
هلالـــ الجنوب ـــي شخص ( دب ) اسمه عبدالله الغامدي , يلقبه الناس بأبو غامد وهو لقب أفتخر فيه بالإصافة إلى لقب ( الدب الداشر ) . يدرس في جامعة الملك سعود كلية الحاسب وتخصصه فيها قسم نظم المعلومات , منتظم إلا حبتين دراسياً يعني حالياً في المستوى الثالث والمفروض الرابع , ومع الخطة الجديدة ماندري أي مستوى بنصير عضو في شبكة الزعيم قبل لا يكون عضو اللجنة الإستشارية لمنتدى الرياضة العربية والعالمية , شخص لطيف , مايقول لا أبداً , يحب يمون على أي واحد يعرفه ولو ما قعد معه إلا دقيقتين وياما جابت له هالميانه مواقف محرجة أو محزنة حتى وكثير منها مفرحة وماله نية يتركها 
بالله واحد يرسل هالسيرة على قناة زواج مرة وحدة نسيت أقولكم ترى هلالـــ الجنوب ـــي = B a 7 a H 
س: يُقال بأن الحب من أول نظره .. متى كانت أول نظره منك للأنتر ؟
حب أول نظرة مين ياعم طالعت في أسير مية مرة عجزت أحبه , لكن بو حميد هلالي موووت من يوم سمعت صوته بس حبيته نرجع للإنتر .. بصراحة انا لا أتابع الدوري الإيطالي أبداً ما أتذكر أي مباراة تابعتها كاملة في الدوري الإيطالي .. لكني أحب الإنتر مادام ارتبط به اسطورتي جابرييل باتيستوتا . صراحة لا أتذكر أول مرة شفت فيها الإنتر 
س: شخصيه أثرت في حياتك ؟
حياتي : أثر في والدي ووالدتي أولاً وأيضاً أثر فيني الأستاذ / عبدالكريم الرشيدان .. مدرس اللغة العربية في متوسطة ابن الجوزي لأني عشت معاه ثلاث سنوات في جماعة الثقافة والرحلات . رياضياً : أخوي مازن بصراحة زادني حباً للكرة وللهلال بعدما كنت نصراوياً 
س : متى دخلت عالم الأنترنت ؟ وماهو شعورك وقتها؟
صراحة ما أتذكر التاريخ ربما عام 2002 أو 2003 . كنت وقتها فرحان أني ادخل النت عشان اشوف اسرار العاب البلايستيشن خصوصاً جراند اللي التصوير من فوووق .. وكنت أحب ادخل موقع المصارعة عشان أشوف اندرتيكر بس << كنت بزر س : بما أنك من رواد العالميه .. ماهو أجمل مافي المنتدى ؟
تعني برواد .. زائر ومطلع صح ؟ 
ع العموم .. أجمل مافي المنتدى الروح الي تسود في أعضاء الرابطة الواحدة وكأنهم اخوه .. بل أصبحوا أصدقاء وربما يكونون لأول مرة يكونوا صداقات لهذه الدرجة من الحميمية .. وكذلك مواكبة العالمية للأحداث الجارية كروياً فنشاهد الآن مواكبة اليورو 2008 وقبلها العالم 2006 وترقبوا الشبكة في العالم 2010 .. بإذن الله س : ماهو أغرب موقف تعرضتُ له بحياتك الانترنتيه؟
أغرب موقف بصراحة حدث من كم شهر .. كنت ابحث في قوقل كالعاده وكنت أبحث عن برنامج .. وفعلاً وجدت موقع في هالبرنامج ويوم دخلت إلى وهو موقع نسائي .. قلت عادي .. ماعلينا أهم شيء البرنامج طلع لي إنك ماتقدر تشوف الموقع إلا لما تسجل فيه .. قلنا كله يهون عشان البرنامج ويوم جيت أسجل وبإسم نسائي بعد أقرأ الشروط حقت المنتدى ومالقيت إلا شرط واحد بس 
1 - أن تكون إمرأة وبخط كبير وزهري بس هذا هو الشرط الوحيد .. قلت ياولد يمين يسار .. يلعن أبو الفقر سجل بس مابقى إلا الحريم يتحكمون فينا .. وسجلت وقالوا انتظر رسالة التفعيل وماجتني للحين .. سحبت عليهم س : النسيان نعمه .. ماللذي تتمنى نسيانه ؟
اوووووووووه كثيييييييير بتكلم رياضياً .. بس بتكلم رياضياً .. أبغى أنسى نهائي الدوري عام 1415 على ما أعتقد يوم ننهزم من النصر 3 -1 .. وأبغى أنسى نهائي الشباب 3 - 0 وأبغى أنسى مباراة مانشستر يونايتد وريدينق الموسم الماضي على الأولد ترافورد وأبغى أنسى نهائي كأس العالم 1994 و 2002 و 2006 و أبغى أنسى مباراة تشيلسي وبرشلونة على ملعبنا في 2006 2 - 1 للبرشا .. وأبغى نصف نهائي دوري الأبطال موسم 2005 وموسم 2007 .. وأبغى أنسى نهائي دوري الأبطال هالموسم وأبغى أنسى كل الأهداف اللي دخلت على تشيلسي في الدقايق الأخيرة وأبغى أنسى شوتة جون تيري .. وأهم شيء أني أنسى الحكم جراهام بول والحكم الثاني اللي حكم لنا النهائي ( مايخطر لي الآن ) .. وباقي ماخلصت س : لو كنت مسوؤلاً عن الانتقالات في الانتر.. من ستجلب ؟
أنا ربما أعرف الإنتر من خلال زملائي ومن خلال ولد أختي .. ومن خلال متابعتي البسيطة له .. أتوقع إنه يحتاج حارس صح بدرجة تشيك , بوفون , كاسياس .. صحيح إن سيزار مو مقصر ولا حتى تولدو .. لكن خلاص راحت عليهم .. أتوقع يحتاج إلى قلب دفاع بدل ماتيراتزي ( المخادع ) أتمنى انتقاله بأي شكل مهما حصل . يحتاج الفريق إلى دماء شابه فيه بدل هالشيبان اللي تارسينه مثله مثل الميلان برضو ومدرب .. وانحلت هذه المشكلة ولله الحمد س : هل فعلاً الأنتر لا يملك عقلية التشامبيونز ؟ أم بقدوم مورينهو سيكون هناك كلام آخر .. ؟
لو ماكان يملك عقلية الشامبيونز ماكان حققها مرتين ورى بعض ! لكن هو يحتاج مدرب ( يربيهم ) ويعلمهم السنع مثل ما صار للاعبي تشيلسي .. ماشاء الله عليهم يلعبون بدون مدرب وحصلوا على الوصيف في ثلاث بطولات س : ماهي مرئياتك عن النهائي الاخير بين تشلسي و المان .؟ لا أحب أن أعيد وأكرر .. من أراد أن يعرف فليرجع للنقاش اللي صار بيننا وبين اخويانا المانشستراوية س : كيف تنظر لليورو المنتظر ؟؟
نظرة عين مكسورة .. بسبب عدم وجود منتخب الأسود الثلاثة س : بكلام بسيط .. ما رأيك في كل من :؟
الحياه / جريدة الحياه .. ولا مجلة الحياه وش تبيني اقول عن الحياه ياخي اطلع من راسي تذكرني بإختبارات مادة العرب في الجامعة كرة القدم / هي هاجس يسهر عيوني ولا بات .. أو خفقة تجمح بقلبي عصية مورينهو / الأماكن كلها مشتاقة لك والعيون إللي إنرسم فيها خيالك والحنين إللي يسرى بروحي وجالك ماهو بس أنا حبيبي .. الأماكن كلها مشتاقة لك خافيير زانيتي / الوفاء .. لك عنوان س : بنظرتك الثاقبه .. من أبرز كتاب منتدى العالميه ؟
حلوة ثاقبة أهينك بصراحة أبرز اللي يعجبني بكلامه هو طارق ( النمــ 15 ــر ) , ناصر ( skroo ) , وفيه قبل يوسف اللي يذكره بالخير ( اكبر فخر اني هلالي ) , أبو محمد ( ريدزاوي ) الله يذكره بالخير ليته يعرف معزته عندي .. وأحب اقرأ اللي اكتبه أنا أكثر من مرة لكن هناك شخص اتابع كل ردوده وخصوصاً لما يتكلم عن مباراة أو تكتيك أو أي شيء .. نواف ( دنــيــدل ) المفروض يكتبون تحت يوزره خبير كروي .. المفروض ياخذونه الجزيرة لليورو الجايه ماشاء الله عليه .. يكفي إن سكولاري يسمع كلام نواف س : ماهي أبرز سلبيات منتدى العالميه ؟
المناقر بين الأعضاء .. طبعاً المناقر اللي صاير بينهم بدون سبب وفيه تعدي على الخطوط الحمراء الكلام هذا يصير بين الأعضاء خصوصاً حقين الإيطالي .. المناقر بينهم واجد ولا أظن قد شفت نقاش دار بينهم إلا قد صار فيه توقيف فيه ولا شيء من هالقبيل وحقين الريال وبرشلونة ماهم ببعيدين .. نقاشاتهم ماتنتهي لا عن دوري ولا عن فرانكو .. يوصل الغلط فيها لدرجة غير محدودة .. لكن أبرز مايكون أن نقاشاتهم أقل من الإيطالي ليت هالإثنين اللي يفوق يقتدون بالإنجليزي ونقاشاتهم بالرغم من عدم كثرتها إلا أنها تعطيك إنطباع لا محدود عن مدى ( كبر ) عقلية هؤلاء الأعضاء .. لا امتدحهم لأني منهم .. لا والله .. لكن التميز يقطر من منهم تقطير والكلام مو أنا اللي اقوله لوحدي .. حتى إدارة المنتدى أعطت كثير من زمام الأمور للأعضاء الإنجليزين .. وهذا كان واضح من قبل فكان السؤال يتكرر خصوصاً الموسم الماضي .. لكن أظن من سال أنه عرف إجابته الآن شكراً لرابطة الإنتر على هذا اللقاء .. واتمنى لي ولهم التوفيق .. بما أني معهم كانتريستا جديد فلازم يعلموني كلام إيطالي فيه كلمة تقولونها وشي جازيتا رابطة الإنتر ولا فورزا رابطة الإنتر .. لا لا .. لقيتها جراتسي رابطة الإنتر **
نشكر العضو المتميز / هلالي الجنوب على تجاوبه و صراحته في اجوبته ابو غامد شكراً من القلب 