02/06/2008, 10:41 AM
|
 | برشلوني مخضرم | | تاريخ التسجيل: 05/08/2004 المكان: somewhere I belong
مشاركات: 6,701
| |
عزوز .. كيفك .. ايه رطوبه وطفش الجو  .. بالنسبه لأحلى انفصالي .. يعني بتقنعني انت الحين .. انه اوليقير هو سبب خسارة موسم كامل .. بسبب عدم تمكنه من كسر مصيدة تسلل ؟!!! طيب .. مباراة اسبانيول مثلا .. انواع الهجمات الا تضيع من ايتو وقودي .. هذي مسموحين فيها ومقدره تحت فكرة سوء الحظ .. واوليقير يحارب من اجل كسره للتسلل .. طيب .. ارجع قبل مباراة اسبانيول .. الى مباراة خيتافي .. الا انطرد فيها روني بشكل اقل مايقال تصرف غير محترف .. لأنه مهما كانوا اللاعبين يرفسو فيه .. ماله حق يقوم يرفس بعد .. بتشوف انه اوليقير على آخر ربع ساعه شال كره عرضيه كان ممكن تكون هدف محقق .. اوكي انا وياك مستوى اوليقير اقل من طموح مشجع برشلونه .. لكن من اللي في الفريق صاحي في الموسمين السابقين علشان الوم اوليقير بالذات .. من صغيرهم لكبيرهم .. كلهم مضروبين ابره مخدره .. ايام ماكان فريقنا في عز قوته .. كان اوليقير احد الأساسيين المبدعين .. وتذكر مباراة تشيلسي وشوف كيف مستواه .. ترى مودفاعا عن اوليقير بشكل خاص .. ولا اعجاب زايد فيه .. لكن في لوم زايد عليه وبدون مبرر يعني .. وترى صدق اتكلم .. جماهير الكامب نو ماترضى على اوليقير ابدا .. ومستعده تصفق له على كل كره عادي جدا .. ولو تستفزها حول اوليقير بتكون انت اعلنت على نفسك الحرب هي حاجه في النادي مابيتخلص منها .. وهو فكر خاص بالنادي يتميز به .. سواء هالتفكير سئ او جيد .. تظل علامه فارقه عن باقي الأنديه .. وهي اخلاصه لهالنوع من اللاعبين .. ولو يجي اي مدرب مابيقدر يطلع اوليقير .. الا اذا اوليقير بنفسه قال انا بطلع .. ثانيا اللاعب له ميزات ملتزم ساكت هادئ .. صحيح احيانا يروح يفحط في الراليات لكن شوف راتبه .. اظن مليون ونص في السنه .. ويقبل يكون احتياط ولا يقول شئ .. فـ ليش الاداره تطلعه ؟ دامك شجعت برشلونه ارضى بمتاعب هالميول حبيبي |
