نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - حفل شهده الرجال والنساء وفي الملعب وفي الشرقية...(صور حصرية!!)

الـمـشـاغـب · #25 02/06/2008, 01:37 AM

مرحبتين أبو راس

ما قصرت على هالتغطية البسيطة .. ليتك كملتها وخليتها تغطية كاملة

عاد حفل التخرج ما عمري حضرته ولا مرة بحياتي .. بس حضرت مرة تكريم الأونر بعد ما وجهت لي دعوة خاصة

بس ندمت مرة لأني كنت أبحضر حفل تخرج صديقي .. وانشغلت ما قدرت أحضر

لكن الحمد لله على كل حال ..

أخوي ما شاء الله عليه ما يخلي حفل إلا ويحضره

تخيل يا أبو راس أنه لما جاء الملك عبدالله .. أخوي مدري كيف ربي قال به لين وصل أخوي عند الباص ولا كلمه ولا شرطي

يقولون أن ما بين أخوي وبين الملك غير 3 أمتار بس .. أخوي الغبي يقول : كنت متردد أركب الباص مع الملك أو لا؟ كنت خايف بصراحة

الغريب ولا عسكري كلم أخوي .. يناظرونه وما يتكلمون يحسبونه من أخويا الملك

ما نكب أخوي إلا خويه الحمار .. كان يبي يتقدم والعسكر مسوين حاجز وقال لهم : أبي عند خويي هذاك هو قدام

الدلخ مدري وش تفكيره .. يحسبهم بيقولون له خلاص رح عند خويك وآسفين؟

طبعاً راح واحد منهم عند أخوي واقترب منه بدون ما أحد يحس وشاوره بشويش وقال : وش جابك هنا؟ .. قال أخوي بكل عفوية : أبي أشوف الملك

.. قال الشرطي : طيب ارجع بسرعة لا أحد ينتبه بس ..!

سلامات وراي جبت قصة حياة أخوي؟

مشكوور أبو راس .. وعقبال كل الطلاب

متابعة بصمت .. لا يكثر أنتي وخشتك والإنوو