إقتباس الرسالة الأصلية كتبت بواسطة srabالهلال من الغباء ان تفكر شركة رائدة بهذا التفكير والا ستخسر 70% من ارباحها

خلينا واقعيين...الحركه اللي سوتها موبايلي بالتعاقد المفاجيء مع الهلال بالرغم من ان هناك عقد بين الهلال والاتصالات...صحيح ان العقد مغري..ومبلغ 50 مليون ممتاز سنويا..لكن وش الفايده..فتحنا ابواب مسكره لصالح الانديه المنافسه ومن اهمها النصر اللي كان الى وقت قريب يشتكي من قلة الدخل المادي...اما الان...فان موبايلي فتحت باب لبقية الانديه مثل ماقلت...وراح تشوف النصر يسوي عقد ب50 او يمكن 60 مليون ريال سنويا...هذا الشيء راح يكون ضد الهلال بطريقه غير مباشره وراح تتذكر كلامي على المدى البعيد..تخيل النصر وبدخل مادي كبير راح يتغير فيه اشياء كثيره وراح يكبر وبقوة ومعروف عن النصراويين مدى قدرتهم على استثمار اموالهم..- بعكس الهلاليين اللي لنا سنه استثمار مع موبايلي وماشفنا شيء تغير-...والدليل شف كيف ولعوا بنجمهم الاول الحارثي علشان مليون ريال زيادة فقط...يعني ماهم من النوع اللي يدفع اموال الاستثمار بكافة الطرق....او يبعثرونها بسرعه...ياناس النصراويين لم يكن ينقصهم سوى المبالغ الكبيرة واحنا بعقدنا الكبير مع موبايلي واللي الى الان المستفيد موبايلي نفسها ولسنا نحن كهلاليين..فتحنا افضل واروع باب للنصراويين لعمل عقد مماثل او اقوى مع شركات اخرى ...وصدقوني راح تشوفون النصر بيتغير كثير جدا بعد عقده الاستثماري القادم...