جا سفير المملكة والسعد فاله
جيته يا جيت العز من جييه
قالها والقول بالفعل يزهاله
يثبته بالفعل ميه على ميه
قال قول يصدق لسان من قاله
في وجود الفوز ما تصعب الجيه
لحظة فيها الجماهير مهتالة
من هلال المجد جت له على النية
واغتنمها وابتدا الجو يصفاله
وحقق الفوز المؤزر بجدية
البطوله جابها سعود ورجاله
صارت النخبة بطولة سعودية
كاس غالي وازرق المملكة ناله
باجتهاداته وروح رياضية
حقق المطلوب له والفخر طاله
وآخر الجولات كانت حقيقية
قال يكفي وان بغا الخصم زدناله
أربعة جابت بطولة هلالية
كل كاس كان الازرق تعناله
خارجيه أو بطولة محليه
هو زعيم وبالبطولات يحلاله
ينتصر والفوز له فيه ماريه
يا هلا ترحيب بالشيخ وابطاله
مدركين الطيب في ساعة الهيه
يا هلا ويطيب حله وترحاله
مرحبا ياجية العز من جيه
شعر: فرحان المطرفي
