فى يوم من الايام الخوالى ( والله مدرى وش معناها بس ابى اسوى نفسى مثقف )

طنت بهالدمجه سفره انما ايه خوش سفره ( انما ايه وخوش اشك انها تتفق ) طلعت للمطار

وفقيت خشتى قدام هالرحلات ابى رحله زى الناس ومالقيت الا الخرطوم ( الله من زين الرحله ) ركبت

الطياره الين اللى راكبه جنبى وحده تهبل ياقلبيه حبيتها من اول خشه عليها عيون كالتباسى

واسنان كاسنان الحواشى ومانى مصدق عمرى ان هالقمر راكب جنبى ( صاير انا وهى كاننا

نادى الشباب ) جلست جنبها وقلت لها مساء الخيررررررر... هو ماردت لاتكون طرما

شوى الا قالت لى لو سمحتى افا لو سمحتى :sad: ورفعت يدها مدرى وش تبى تأشر

عليه هى رفعت يدها الا وصمختنى ريحه الصنان الين فقدت وعى قلت اقول اتركها عنك وخلنا

نشوف هالمضيفات اللى يوسعون الصدر وقعدت اطالع فيهم وهم يسون ارشادات السلامه انا اخبر

انك اذا انت ماتبى تقراء كتاب السلامه افغص الزر ويجيك واحد من هالمضيفين ويقراء لك الكتاب

انا قلت خلنى اجرب واقول مالي نفس اقراه اقروه انتم علي وفغصت على الزر اللي مرسوم عليه

مضيفه يمكن تجيني وحده مثل ذا اللي مرسومه على الزر ويجيني مضيف يشبه (روب

بوسكاب ) لغير الناطقين بالعربيه روب بوسكاب لاعب نادى النثر واقارن بينه وبين

الصوره المرسومه الين وجهه مهوب يم الصوره قلت له رح ناد ذي اللي مرسومه قال

لى اخلص علي وش تبي قلت : انا ما لى نفس اقرا التعليمات اقراه علي وعطيته الورقه

وتوسدت الكرسي وغمضت عيوني احتريه يقرا علي ماادري الا ذا اللي يرجفني على

ساقي وقال لى الا ماودك نقرا عليك المعوذات اقلعت الرحله الين كل الاشارات حقت التدخين

طافيه الا اشارتي قلت اكيد انها خربانه ولعت زقاره مالبورو وجغمت لى

شوى من هالشانى مدرى من اللى عطانيه الا واسمع صوت الكبتن : طف الزقاره لااجي اتوطا في

بطنك قلت والله مااطفيها لو تطير وتوقع قالي طفها احسن لك قلت منيب قال الا

نيب شوى الا اسمعه يقول هين يا ابوخشم والله لاوريك شغلك وينصاله ذيك المطبات ويولع

اشارة ربط احزمة المقاعد حقت الركاب كلهم الا حقتي ماولعها بالعكس كتب عليها خذ راحت وخل

حزامك مفكوك لان الرحله ممتعه على باله بيلعب على بس اخوكم ذهين انقهر الكبتن وقال

هين والله لأجوعك انا لله وش الطيار اللزقه :sad: ومااشوف الا طاولة الاكل تمر من

عندى تمشى مليووووووون ويعطون الركاب الا انا:sad: الين فيه واحد اجودي رحمني وعطاني

جبنة ابوكاس وقطعة خبز كان جالس وراي ونطلها علي اخذنا شوي الا قامو هالمضيفين

ينطلون سماعات نقزت واخذت وحده بالقوه وانا لاهى اتفرج على الفم اللى بيعرضونه

مادريت الا الطيار طالع لي في الشاشه نيهااااااا هاااااااى هههههههاى قال هاه

يقولون انك جوعان قلت له احترم نفسك وسق وانتبه لدربك الين مانوصل وبعدين وش

ذا الضحكه انت وخشتك قال يصير خير بس عسى البرامج تعجبك مشيت

الكلمه هذي قلت اكيد مايقصد شي والله وابقق عيوني واشوف كل الركاب عندهم افلام توسع

الصدر الا انا حاط لى برنامج عن حوادث الطيارات طفيت التلفزيون وذكرت الله حسبي الله

عليهم حاطيني فى اخر مقعد في الطياره يعني عربية الاكل توصلني ولا فيها الا الملاعق وقطعة كيك

من ضيقت الصدر قلت خلنى اوسع صدرى على هاللى يتميلحون على المضيفات من زينهم

هالحين هالمضيفات كلهم من نوعيه الشمام الخايس تلقفت وناديت وحده منهم ولافيه امل تجى

مبققه هالعيون و تأشر من بعيد وهي جالسه على الكرسي تقولي ايس تبغا قلت لها تعالى

شوى قامت تناظرنى وتصد وانادي المضيف اللي يشبه روب بسكاب قلت له وشفيكم

علي وش انا مسوي :sad: قال لى اسمع مساله اني احاكيك ماهقيت والله انى احاكيك

اذا بغيت شي اكتبه على ورقه وعطنياه كتبت على الورقه وطلبت اغنية الزار قراها وقال لى

تستهبل انت قلت انا ادرى عنك تقولي اكتب على ورقه صاير كانى لاعب اجنبى بنادى ؟؟؟؟؟

الا على طارى نادى ؟؟؟ يقولون انهم مسكنين لاعبهم الاجنبى تحت المدرجات وصلت الخرطوم

بعد عنا ومشقه والحمد لله انى رادغ بالمرقوق الين طلع مع خشمى يعنى هالكبتن منته بالتراب اجل

يبى يجوعنى هو وخشته وبعد ماطلعت لقيت حبيب قلبى عصمان قاعد يحترينى باللادا ركبت

معه وقام يدوج فينى بشوارع الخرطوم وهاللادا تأكل المطب تحس ان المطب راكب جنبك

المهم قلبت كبدى من هالدوجان والحر والمرقوق بدا يشتغل وشوى الا انا مطررررررررررررش

بالسياره طارت عيون عصمان وقال لى (اى ابو الزهب) انت مأكل كرتون والله يالمرقوق

طالع قطع بسكوت شاى ( كأنى اشوفكم حامت كبودكم)



مايستفاد من هذه القصه:
لاتسافر مع كبتن وهو زعلان ترا بيحط حرته فيك :sad:
الخرطوم عاصمه السودان --------- لاياشيخ
اذا بغيت تسافر لاتأكل مرقوق :sad:
الخيار من الخضروات ---- وش يبى ذا