نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

S K Y · #287 27/05/2008, 05:07 AM

إقتباس

الرسالة الأصلية كتبت بواسطة جرح يشكي


	السلام عليكم ورحمة الله شباب انا بطلع لجده بـ طيارهـ ، وما قد سافرت ذهاب وعودة طيران .. كنت احجز ذهاب ومتى ما نويت ارجع احجز عودة وما اعرف كيف طريقة الحجز ادري السؤال دلخ بس استحملوني 1 / ادفع المبلغ كامل والا لا <========@ تكفون قولوا ايه تدفعه كامل لاني ما امسك الريال اخاف افلس وانا هناك وارجع ع رجولي 2 / نظام حجز الذهاب والعوده مثل نظام الحجز العادي ..!!؟؟ اقسم بالله اني اكتب الرد وانا اضحك ، بس استحملوني

عليكم السلام .. هلا وغلا جرح يشكي
تحت أسمك وسام أفضل تغطيه وكشخه وآخرتها تسأل هالسؤال ؟

أمزح معك يابعدي .. طال عمرك اذا حجزت ذهاب وعوده لازم تدفع كامل المبلغ وانا اشوف انها أحسن طريقه على شان تنبسط هناك وماتشيل هم الحجز والقيمه مره ثانيه لأنك اكيد بترجع الا اذا انت ناوي تعيش هناك هذا شي ثاني

< اقنعك ؟

والنظام واحد نفس الطريقه والتذكره وحده بعد

فيه طريقه تقدر تحجز ذهاب مؤكد وعوده غير مؤكد وتدفع قيمه الذهاب بس والعوده لازم تدفع قيمتها وتسددها من جده قبل موعد الرحله بيومين على ما أعتقد لكن هذي بالواسطه يمكن يلطشون حجزك لأنه غير مؤكد وانا اشوف أفضل طريقه لك تدفعها كلها وتريح راسك

+

نظام الخطوط صار متحجر مو مثل قبل تجي قبل الرحله بـ 10 دقايق تطلع البوردنق وتنقز الطياره بالراحه
الحين لازم تجي قبل موعد الأقلاع بساعه وتطلع البوردنق والا والله لو تفحط مايطلعونها لك لو الطياره قدامك فاضيه

نشبولي مره تأخرت 10 دقايق بس قالو خلاص قفلنا ماعاد فيه بوردنق لأنهم حطو مكاني حقين الأنتظار

الزبده صار فيه شوي تعقيدات يعني خلك ملتزم بالوقت على شان ماتحط نفسك بموقف محرج

< يكثر هرجك