أهلين أخوي أبوخليلوفيتش ورده
تصدق عاد؟ أن موضوعك هذا بيخليني أفضفض بأشياء كثيرة ما ودي أقولها

تدري وش اللي يرفع ضغطي؟ لما يجيك الشخص ويدقها سوالف معك بالخاص وترد وأنت مستحي منه .. ثم تقول له بعد ما يطول الموضوع : " يا أخي حط لك إيميل جديد وأضفني وبعد ما تخلص اللي براسك احذفني " .. يجي يقول لك أنت فهمتني غلط وأنا ما لي بهالخرابيط

أخوي أبو خليلوفيتش .. أحياناً تكون مرة مشغول وفجأة تجيك رسالة خاصة تبي مساعدتك في موضوع .. وبما أن هالشخص يعز عليك ودك تساعده .. فتحتاج أن الكلام يكون أسرع ومباشر أكثر من الخاص .. وعن طريق الماسنجر .. فلما تفتح هالموضوع وتقول سو لك ايميل عشان نحل المشكلة بشكل أسرع .. يجي يقول لك أنت تبي تستغلني وأنا ما أحب هالحركات <<< يا شيخ والله لو هو تحرش عاد

أنا عادي عندي الخاص وما يضايقني أبد .. ولا أقول كذا عشاني أدور إضافات أو غيرها .. الحمد لله مكتفي ذاتياً ولا أحتاج أحد
بس بصراحة يقهرك اللي تحاول تكون له سند وتساعده .. ثم يصدق عمره ويحسب أني أفكر فيه

أحس أني مشتت من هالموضوع ومدري وش ودي أقول .. لكن جد جد الخاص مسبب لي أزمة مع السوالف فيه لأني ما أقدر أتواصل

ملاحظة أخيرة : ( كل اللي أتكلم عنه .. هو عن الكلام الزايد في الخاص .. أما الرسايل العادية بالعكس يشرفني التواصل مع الغالين )

أبو خليلوفيتش .. موضوعك والله جاء في وقته .. شكراً جزيلاً لكـ يا ماجد مقبل المتخفي بهذا اليوزر