أخي الغالي

هالصغينون يهمني أمره جداً

ولذلك هناك غلطات بسيطة في القصيدة حبيت إنك تصححها على أساس يكون التصميم صح بمعنى الكلمة

وهو جهد رائع وموفق تشكر عليه

وهذه كلمات القصيدة كما أخذتها بنفسي من حمودي ليلة الأمسية



العود الأزرق فاح والكاس خذناه

كاس الذهب من حقنا نستردّه

شاله محمد سلـّم الله يمناه

اللي جمع من مجد جدّه .. وجدّه

و لا هان ابوه اللي على الطيب ربّاه

كامل حرارٍ في اللوازم يهدّه

فاز الزعيم وعادته من عرفناه

قهر الخصوم وضد من هو يضدّه

الموج الأزرق من هو اللي يتحداه

يغرق خصومه بين جزره ومدّه

خلّى الحكي لأهل الجرايد تولاّه

وعلى البساط الأخضر أعطاك ردّه

قام يتباهى بالنصر واحلالاه

بدر النوادي من هو اليوم قدّه؟

بينه وبين الفوز عشق وموالاه

ما غاب عن أرض البطولات مدّه

عمّ الوطن فرحه من أقصاه لاقصاه

جمهور الأزرق فرحته مستبدّه

يا كم بطولاتٍ بها الفوز جبناه

هذا الهلالي من يسدّ بمسدّه

يازين طعم الفوز بالكاس زيناه

هو عشق الأزرق .. هو غرامه وودّه

يسلم له رجاله .. ويسلم له أبناه

نعم الصقور لواجبه مستعدّه

العود الأزرق فاح .. والطيب مجناه

نادي الهلال من الفخر يستمدّه