قـــــــــصــــــــــص واقـــــــعـــــــيـــــــــة ؟؟!!( لــلــمــوعــظـه )
بسم الله الرحمن الرحيم
السلام عليكم ورحمة الله وبركاته ,,
لاشك أن من أهم المواعظ هي القصص المؤثرة , ولذا سأحكي اليوم عن بعض القصص التي حدثت لي والتي أتمنى أن تجد القبول منكم إن شاء الله .
الأذكــــــــــــار
( 1 )
في يوم من الأيام وأنا ذاهب إلى الجامعة , طبعاً أنا من فضل الله مواضب على أذكار الصباح والمساء , طبعاً الكل يعرف شوارع الجامعة والمشاكل الحاصلة فيها من حفر ولفلفه على الفاضي والمويه الموجوده على الشوارع بسبب سؤ التنظيم لليات الري .
خرجت من البيت الساعة 9:05 والمحاضرة تبدأ الساعه 10 , وأنا بالعاده يبي لي 15 دقيقه إلى 20 دقيقه عشان أوصل الجامعة , وبعد ماطلعت من البيت وقريت أذكاري وبعد ماتعديت أحد الدوارات وأنا على اللفه كان فيه مويه , وبصراحه أنا أشك انها مويه ؟!!
طبعاً عشان أكون صادق كنت مسرع شوي , المهم أثناء اللفه زحف الموتر , وفلت من سيطرتي وأنا الف يمين ويسار , إلى أن هجت بي السيارة على الرصيف على سرعه يعني أقل شي بتقلب السيارة على الشارع الثاني , لحظتها والله مرت علي الدنيا بشكل سريع تذكرت أبوي وأمي وأختي الصغيرة وهم يبتسمون في وجهي , أحسست بشعور غريب , وذكرت الله ( لا إله إلا الله , أشهد أن لا.... ) طاااخ , صوت يفجر الأذن , ألتفت يمين يسار أناظر نفسي في المراية طبيعي ولله الحمد , حمدت الله ونزلت بشوف السيارة , على قوة الخبطة توقعت الجهه اليمنى راااايحه , وبعد مانزلت أناظر السيارة , والله والله والله أن السيارة مافيها أي شي الضربه في الكفر بس , لحظتها تمنيت أني أسجد سجود الشكر لله لولا أن الأرض غير مهيأة . ولولا الله ثم قرائتي للأذكار لما كنت أكتب الأن .
( 2 )
خرجت يوم من الأيام أنا وأحد أقربائي على موتري , رايحين للجامعه بنصرف المكافأة , ( لأن صرافات الجامعة تطلع العشرات 
) , طبعاً هذا الكلام في الليل , رحنا وصرفنا وأحنا راجعين رجعنا من عند الدوارات , وأول ماتعدينا أحد الدوارات ألتفت لحظه لقريبي , وأناظر قدامي رصيف طبعاً لفيت بكل ماأوتيت من قوة اللي جنبي طاح علي ( ودب بعد , بغيت أموت ) , ماأصرت أشوف شي طااااخ ضربت السيارة في الرصيف وكملت ماشية وهي حاكه والدب فوقي , المهم أنا لفيت الطارة لليمين وضربت في الرصيف الثاني , وبعد جهد جهيد وقفت السيارة , أنا حطيت راسي على المرتبه , وحمدت ربي على السلامه , وقعدت أتخيل السيارة وش اللي صار فيها الصدام طاح ؟؟ بابي أنعفط ؟؟ ...الخ ؟؟ وبعد وقت نزلت أشوف السيارة , والله الذي رفع سبع وأنزل سبع أن السيارة مافيها إلا حكه بسيطة وتحت مررة يعني ماتشوفها بالنظرة الأولى . * لهذا تكفون ياأخواني حافظوا على أذكاركم , والله ماراح يظركم شي كلها كلام .
الــــــــبـــــــــر
طبعاً أعتقد البر كلنا نعرف فضلة , عالعموم في يوم من الأيام طلعت من البيت , وأمي زعلانه علي ( والعياذ بالله ) , المهم أنا كنت توني مظلل الموتر ومكتم , المهم بالعاده الشارع اللي حولنا مافيه دوريات وفي هاك اليوم سبحان الله وأنا بديور وأشوفه قدامي طاير أنا وقفت ( يقال لك أخلاق ) خليته يمشي , المهم هو وقف وقال لي أمش أنت , ومشيت وسلمت عليه << والله أخلاق . مادريت إلا وهو وراي يكبس وقاااق قاااق << بطه موب دوريه , المهم وقفني وعطاني مخالفه وقال لي فك التظليل . وبعدها أمي رضت علي << موديها السوق , وبعدها والله أني أشطف الدوريات تشطيف ولا أحد وقفني ولله الحمد . وبعد هذا هل سنترك أذكارنا ؟؟ هل سنعصي والدينا ؟؟ أترك الأمر لكم .
* طبعاً الدوريه بعد ماوقفني وعطاني المخالفة قال لي فك التضليله الحين وقعد في سيارته , أنا سويت نفسي برييئ وقلت بنزل أقول له بروح أفكها عند المحل , أول مانزلت لقيته قاعد يكتب ورجعت لموتري وفقعت . أتمنى أن تستفيدوا من هذه القصص , وقريب إن شاء الله قصص كوميديه والسلام خير ختام ,,
